影片
更多
2023-04-23
646 瀏覽
今晚黎左尖沙咀食呢間性價比極高既日式丼飯🇯🇵未黎之前已經聽過好多人推薦 聽聞十和田總本店既魚生係每日由日本空運到港 所以保證會新鮮 而且價錢貼地性價比高 所以決定黎試一試😍📞因為驚太多人食晚餐 會冇位 所以晏晝就打電話book定夜晚19:00食晚餐 🙋🏻♀️18:45去到都係坐滿左餐廳一半左右 所以侍應生都俾我地早少少入去用餐 用餐時間1.5小時 坐低左即刻同我地講座位下面有籃放私人物品 貼心💖仲推介左今晚既特別餐牌 用餐過程keep住收碟 而且有禮貌 服務不錯🍙枱面提供左熱水壺同綠茶粉🍵叫完野食可以慢慢享受❤️🔥《火炙三味壽司 💸$78》包括火炙三文魚 左口魚 吞拿魚火炙三文魚同吞拿魚味道一般 未去到有驚喜 但左口魚一入口個魚香一試難忘 而且肥厚有口感 相當滿意！❤️🔥《火炙左口魚邊丼 💸$138》左口魚經過火炙後 啲油脂爆晒出黎 油分豐富 極香魚油味 入口即溶 不過食到一半都有啲膩所以配有紫蘇葉解下膩海膽鮮甜 完全唔腥冇臭味 一啖一舊好過癮十和田既丼飯用左赤醋飯 帶有酸味 非常配合 而且份量頗多 細食少少都可能未必食得晒❤️🔥《雜錦魚生丼 💸$128》呢個雜錦魚生丼相當抵食 魚生超
未黎之前已經聽過好多人推薦 聽聞十和田總本店既魚生係每日由日本空運到港 所以保證會新鮮 而且價錢貼地性價比高 所以決定黎試一試😍
📞因為驚太多人食晚餐 會冇位 所以晏晝就打電話book定夜晚19:00食晚餐
🙋🏻♀️18:45去到都係坐滿左餐廳一半左右 所以侍應生都俾我地早少少入去用餐 用餐時間1.5小時 坐低左即刻同我地講座位下面有籃放私人物品 貼心💖
仲推介左今晚既特別餐牌 用餐過程keep住收碟 而且有禮貌 服務不錯
🍙枱面提供左熱水壺同綠茶粉🍵叫完野食可以慢慢享受
❤️🔥《火炙三味壽司 💸$78》
火炙三味壽司
$78
33 瀏覽
0 讚好
0 留言
包括火炙三文魚 左口魚 吞拿魚
火炙三文魚同吞拿魚味道一般 未去到有驚喜 但左口魚一入口個魚香一試難忘 而且肥厚有口感 相當滿意！
❤️🔥《火炙左口魚邊丼 💸$138》
火炙左口魚邊丼
$138
14 瀏覽
0 讚好
0 留言
左口魚經過火炙後 啲油脂爆晒出黎 油分豐富 極香魚油味 入口即溶 不過食到一半都有啲膩
所以配有紫蘇葉解下膩
海膽鮮甜 完全唔腥冇臭味 一啖一舊好過癮
十和田既丼飯用左赤醋飯 帶有酸味 非常配合 而且份量頗多 細食少少都可能未必食得晒
❤️🔥《雜錦魚生丼 💸$128》
雜錦魚生丼
$128
36 瀏覽
0 讚好
0 留言
呢個雜錦魚生丼相當抵食 魚生超級足料 食到最後依然有好多魚生慢慢食 而且刺身種類非常多
蟹籽 鮑魚粒 三文魚 吞拿魚 鯛魚 魷魚 玉子 青瓜粒等
印象最深刻一定係鮑魚粒 三文魚同魷魚 鮑魚粒超級鮮甜 三文魚腩位置肥美 入口即溶 魷魚脆口 仲有啲爽口青瓜粒解下膩 十分推薦👍🏼
❤️🔥 《吉列生蠔湯烏冬 💸$88》
吉列生蠔湯烏冬
$88
29 瀏覽
0 讚好
0 留言
吉列炸蠔口感唔錯 但有少少腥味 未必個個接受到 烏冬都算煙韌有口感 但可以更好 湯底就相對普通 淡味清湯冇咩特別
❤️🔥《炸蟹 💸$12》
炸蟹
$12
27 瀏覽
0 讚好
0 留言
侍應生俾特別餐牌既時候推介 呢個價錢都冇諗過會幾大隻 純粹見佢推薦又唔貴就試下 因為叫左兩隻試 但唔知點解一上枱得一隻 話另一隻另上 睇到舊檸檬角都大概知佢個size😂
口感相當脆口 有少少鹽調味 但除左脆口就無其他形容 好似食緊零食咁 試過就好了
📍十和田總本店(尖沙咀)
地址: 尖沙咀金馬倫道42號華懋金馬倫中心地下
張貼
