影片
更多
2022-02-10
86 瀏覽
早排見好多人去咗呢間cafe打卡，覺得佢哋啲食物好靚好精緻，忍唔住拉埋男朋友過嚟食吓嘢嘆吓咖啡☕️可能週末嘅關係，去到舖頭已經見到門口好多人排隊，我哋都等咗起碼半個鐘先安排入座。今次嗌左一份burger、一碟扁意粉、一杯咖啡share：😋Classic B12 Burger先講個burger！其實我哋本身想嗌另一個日式和牛漢堡，不過已經sold out, 所以嗌咗呢一個。呢個係純素嘅burger, 無論醬料、芝士、配料、甚至裡面塊肉都係素，雖然係咁不過都幾飽，可能塊肉煎過都比較多油，兩個人share就OK，一個人食晒成個可能會有啲滯。不得不提嘅係，個漢堡包係手工麵包嚟，綠色嘅手工包配上紫色嘅炸蕃薯片，非常吸睛，真係好啱打卡📸😋Parma Ham Arugula Linguine輪到扁意粉，簡簡單單用咗Parma Ham、火箭菜、車厘茄做配料，唔係啲好花巧嘅嘢，不過味道食落幾夾😋Flat white奶啡比例合宜，正常發揮Overall 兩個人埋單三百零蚊，個人覺得食物唔算特別出色，不過勝在賣相夠吸引。如果一心諗住打卡係OK，但如果係食嘢飲咖啡嘅話，可以有好多其他選擇
今次嗌左一份burger、一碟扁意粉、一杯咖啡share：
😋Classic B12 Burger
先講個burger！其實我哋本身想嗌另一個日式和牛漢堡，不過已經sold out, 所以嗌咗呢一個。呢個係純素嘅burger, 無論醬料、芝士、配料、甚至裡面塊肉都係素，雖然係咁不過都幾飽，可能塊肉煎過都比較多油，兩個人share就OK，一個人食晒成個可能會有啲滯。不得不提嘅係，個漢堡包係手工麵包嚟，綠色嘅手工包配上紫色嘅炸蕃薯片，非常吸睛，真係好啱打卡📸
😋Parma Ham Arugula Linguine
輪到扁意粉，簡簡單單用咗Parma Ham、火箭菜、車厘茄做配料，唔係啲好花巧嘅嘢，不過味道食落幾夾
😋Flat white
奶啡比例合宜，正常發揮
Overall 兩個人埋單三百零蚊，個人覺得食物唔算特別出色，不過勝在賣相夠吸引。如果一心諗住打卡係OK，但如果係食嘢飲咖啡嘅話，可以有好多其他選擇
張貼
