影片
更多
2022-06-25
21 瀏覽
K11 Musea嘅Foodcourt選擇眾多，今次👧🏻同媽媽就去咗試新開嘅”鍋點”，試下呢間以創新Fusion嘅方式去呈現傳統經典嘅中菜食物🥘。🌟 斤両•鮑汁花膠刺參撈飯 魚翅撈飯👧🏻就未食過，但係花膠刺參花菇撈飯👧🏻就食過啦🤣！花膠用上金龍魚花膠筒，彈牙又重膠質；刺參爽口厚肉。花菇同樣厚肉，略有少少草青味。用埋鮑魚汁精華嚟撈飯，充滿鮮味。🌟 八年陳皮砵酒燉牛臉頰用砵酒嚟煮牛臉頰🐮絕對係一個聰明之舉，牛臉頰燉至非常軟腍，略帶少量酒香+充滿骨膠原。而伴隨嘅白蘿蔔🥕煮至通透，冇渣又入味，索曬醬汁嘅精華。🌟 杞淮蟲草花燉花膠 燉湯用料極豐富，除咗有海量嘅蟲草花、原隻花膠筒，仲有杞子、淮山同埋瘦肉。味道十分鮮甜，蟲草花嘅菇菌味頗突出，非常養生滋潤😍。🌟 珍菌雲腿燉冬瓜湯 夏天嚟到就緊係要飲下冬瓜湯消暑。用上各種菌類、雲腿，味道同樣鮮甜。冬瓜湯冇咩草青味，而雲腿嘅咸香令冬瓜湯味道更具層次。🌟 藤椒鮑魚鮑魚份量唔算多，大概有4-5片。藤椒嘅香氣芬香撲鼻，比其他平時用嘅川式香料較柔和，花椒油份量亦比較少，所以唔會搶咗主角鮑魚嘅風頭。鮑魚爽口，配上麻香花椒油同萵筍絲，整個配搭頗新鮮。🌟 黃金蝦多士蝦
🌟 斤両•鮑汁花膠刺參撈飯
魚翅撈飯👧🏻就未食過，但係花膠刺參花菇撈飯👧🏻就食過啦🤣！花膠用上金龍魚花膠筒，彈牙又重膠質；刺參爽口厚肉。花菇同樣厚肉，略有少少草青味。用埋鮑魚汁精華嚟撈飯，充滿鮮味。
🌟 八年陳皮砵酒燉牛臉頰
用砵酒嚟煮牛臉頰🐮絕對係一個聰明之舉，牛臉頰燉至非常軟腍，略帶少量酒香+充滿骨膠原。而伴隨嘅白蘿蔔🥕煮至通透，冇渣又入味，索曬醬汁嘅精華。
🌟 杞淮蟲草花燉花膠
燉湯用料極豐富，除咗有海量嘅蟲草花、原隻花膠筒，仲有杞子、淮山同埋瘦肉。味道十分鮮甜，蟲草花嘅菇菌味頗突出，非常養生滋潤😍。
🌟 珍菌雲腿燉冬瓜湯
夏天嚟到就緊係要飲下冬瓜湯消暑。用上各種菌類、雲腿，味道同樣鮮甜。冬瓜湯冇咩草青味，而雲腿嘅咸香令冬瓜湯味道更具層次。
🌟 藤椒鮑魚
鮑魚份量唔算多，大概有4-5片。藤椒嘅香氣芬香撲鼻，比其他平時用嘅川式香料較柔和，花椒油份量亦比較少，所以唔會搶咗主角鮑魚嘅風頭。鮑魚爽口，配上麻香花椒油同萵筍絲，整個配搭頗新鮮。
🌟 黃金蝦多士
蝦多士比較袖珍，有原隻鳳尾蝦、蝦膠，炸得幾鬆化。配上咸蛋黃醬呢個醬汁真係第一次見，係邪惡之選😈。
張貼
