影片
更多
2024-08-17
2008 瀏覽
喺厚福街搵嘢食，見到呢間有戶外座位，環境唔錯，菜式都好似好吸引，所以上咗去試吓😙-🍝明太子珍寶帶子扁意粉 ($128)份量同埋用料都好足，帶子大大粒，表面煎得金黃，裏面嘅口感都仲係好滑嫩😋食到意粉好濃嘅明太子味，仲有好多蟹籽，不過食落完全唔會覺得膩，因為味道好有層次又開胃，例如加咗洋蔥等等嘅配料，意粉嘅軟硬度都適中，而且好掛汁，個人覺得係食過咁多款明太子意粉裏面表現最出色嘅一款😍🍕瑪格麗特薄餅 ($128)佢哋係即叫即整，pizza嘅邊邊焗得好脆，而且一樣都係用料好足，食落去唔會太乾身，蕃茄同芝士嘅味道融合得好好，配上羅勒葉口感同味道都更加有層次😚🍄🟫椒鹽蛋白茶樹菇 ($98)裹上蛋白去炸嘅茶樹菇口感好酥脆，椒鹽味更加香口，好啱送酒，而且份量好足，大大兜一路飲住嘢食啱啱好🤓餐廳有室內同埋戶外座位，裝修都係行型格路線，食物同埋飲品嘅選擇都好多，價錢合理，氣氛都唔錯，幾推介大家上嚟試吓🥳味道 9/10服務 8/10環境 8.5/10回頭率9/10總評 8.75/10😋🤍人均消費 $195💰-📍 aga Restaurant & Bar 尖沙咀厚福街12-12A號藍馬商業大廈5樓#米食尖沙
喺厚福街搵嘢食，見到呢間有戶外座位，環境唔錯，菜式都好似好吸引，所以上咗去試吓😙
-
🍝明太子珍寶帶子扁意粉 ($128)
份量同埋用料都好足，帶子大大粒，表面煎得金黃，裏面嘅口感都仲係好滑嫩😋
食到意粉好濃嘅明太子味，仲有好多蟹籽，不過食落完全唔會覺得膩，因為味道好有層次又開胃，例如加咗洋蔥等等嘅配料，意粉嘅軟硬度都適中，而且好掛汁，個人覺得係食過咁多款明太子意粉裏面表現最出色嘅一款😍
🍕瑪格麗特薄餅 ($128)
佢哋係即叫即整，pizza嘅邊邊焗得好脆，而且一樣都係用料好足，食落去唔會太乾身，蕃茄同芝士嘅味道融合得好好，配上羅勒葉口感同味道都更加有層次😚
🍄🟫椒鹽蛋白茶樹菇 ($98)
裹上蛋白去炸嘅茶樹菇口感好酥脆，椒鹽味更加香口，好啱送酒，而且份量好足，大大兜一路飲住嘢食啱啱好🤓
餐廳有室內同埋戶外座位，裝修都係行型格路線，食物同埋飲品嘅選擇都好多，價錢合理，氣氛都唔錯，幾推介大家上嚟試吓🥳
味道 9/10
服務 8/10
環境 8.5/10
回頭率9/10
總評 8.75/10😋🤍
人均消費 $195💰
-
📍 aga Restaurant & Bar
尖沙咀厚福街12-12A號藍馬商業大廈5樓
#米食尖沙咀 #米食西餐 #米飲酒 #AGA #尖沙咀 #chillbar #露天座位 #cocktails #香港餐廳 #特色美食 #特色西餐 #foodadmirersoftheworld #foodsharinggroup #香港 #香港餐廳
張貼
