翠林辣蟹舫

喺海港城shopping完行過兩條街去呢間網紅店食番隻靚蟹依家好多小菜都做緊8折 連龍蝦同蟹都有優惠 真係好抵呀醋香手拍青瓜蒜味香濃醋汁酸酸甜甜 做開胃前菜一流蜂蜜燒汁牛柳粒牛柳嫩滑多汁 醃得好入味薯仔粒走過油 外層煙韌入面軟綿 甜甜地好好食山楂汁鱔球炸漿薄薄地好脆口 山楂汁酸甜清新 同海鮮好夾鎮店招牌避風塘炒蟹呢間食蟹專門店係用菲律賓海蟹 勁鮮甜又多肉 辣度可以自己揀 對我嚟講少辣就啱啱好炸蒜用韓國大蒜 超級香脆又惹味好食到我忍唔住打包埋番屋企撈麵添老闆見我咁欣賞 仲走嚟吹下水話下次人多可以打去留定隻巨蟹俾左隻有客人訂嘅三斤巨蟹我睇 勁生猛下次再去試埋其他煮法嘅蟹先