麥奀雲吞麵世家 (樂道)

營業中

休息中

用上自家品牌打嘜頭落餐具，本來係形象高級化嘅絕招，奈何金漆已甩色，碟仔多崩缺，到底係洗碗工人嘅粗心大意，抑或店舖更換餐具不勤，我都唔知道……傳統廣式雲吞麵家出品，份量甚少，已屬意料之內。筋腩皆入味軟稔，麵條幼細爽口，可惜走鹼未夠。湯底一陣熟悉嘅蝦米鹹香，雲吞餡豬肉鮮蝦層次分明。食物明明水準合格之上，但係無一例外地，似乎各家分店之「腐皮栗」都係高企。思前想後，段估乃係一個「貴」字出事。份量少向來係傳統，冇必要改，之但係價錢的確有得商榷。