三田製麵所 (K11購物藝術館) (裝修中)

夜晚大概9點2人入座，店舖基本上冇咩人唔洗排隊。坐位唔太舒服，明明冇人都唔安排我地坐卡位。叫咗2個一人set，沾麵/拉麵+小食+飲品，300蚊賣單，唔算平。凍沾麵幾岀色，麵底用粗麵，份量可選擇小中大，麵夠彈牙，食落唔會黐牙，醬汁夠濃夠熱，配凍沾麵溫度啱啱好中和返。小食蟹餅外脆內軟，炸粉唔會太厚，唯獨餡料冇乜蟹味。拉麵湯底濃郁，麵都相對彈牙，配溫泉蛋一流。整體食物質素幾好，位置亦好方便，k11行岀門就見到，會再幫襯。