泰斗 (中達大廈)

營業中

休息中

去咗一間喺尖沙咀泰國菜館, 地點好方便, 喺尖沙咀shopping 完又唔想去九龍城食泰國菜, 依間真係不二之選。餐廳位於商業大廈2樓, 一出𨋢已經聽到傳來泰國音樂, 好有去咗泰國嘅感覺。室內主要都係傳統泰國式擺設, 另外如果唔怕近期天氣熱, 亦都可考慮出戶外小露台餐枱用餐。首先選咗一杯凍飲🥤White Temple (成份有乳酪、白葡萄酒、荔枝、橙汁、桃子、甜橙）好清新, 白酒更加帶出果香, 酸酸地好開胃, 好啱夏天飲, 特別係隻冰熊仔, 賣相吸引, 岩哂打卡!鹽燒牛舌芯: 用牛舌中心部位做材料, 超嫩滑juicy, 食落帶有淡淡炭燒味道, 牛味亦好濃郁。冬蔭功明爐魚:坊間大多泰式爐魚都只係酸酸辣辣, 今次用咗冬蔭功做湯底都係第一次, 魚肉吸滿冬蔭功湯, 另外用上泰國粉絲同秀珍枯等做配料, 開胃又滿足!泰式生蝦:好爽口, 夾蒜片再沾酸辣汁食, 好惹味, 不過鮮味就唔太出。鹹魚炒芥蘭:正常水準冇咩特別驚喜, 芥蘭盡索咗個汁, 鹹鹹地。