影片
更多
2023-07-12
35 瀏覽
🕳️Enchanté以神秘洞穴的外型吸引咗好多人打卡，當然亦包括我，呢間開在尖沙咀金巴利道嘅新餐廳主打法國菜，門口對街，引起好多途人目光。😃入門口有一條假樓梯，樓梯上放置西洋棋，四面都用咗玻璃同反光材料打造成無限延伸嘅效果，在霓虹燈照耀下，更顯氣勢非凡。🐬往餐廳入面望去，室內猶如同洞穴般，客人好似坐在洞穴中用餐，四周圍乃至天花都係一體成型，仿風化表面嘅凹凸不平質感栩栩如生，在光影下變得極度吸引，色彩變幻無窮，粉得黎唔會太過妖艷，紫色又非常迷人。🦧餐廳坐位唔算多，但設有兩個小洞穴梳發位，可以坐果度真係威威啦，要提前book啦！🍞餐包很有質素，新鮮滾熱辣夠晒鬆軟！🌹Rosé Royal打卡餐廳梗系要嗌杯signature cocktail 打吓卡，咁揀呢抔都真係靚嘅，味道都幾ok🥓Iberico Ham 伊比利亞黑毛豬，擺盤好靚，搭配鮮甜嘅哈密瓜同無花果。🥣Lobster Bisque龍蝦味濃郁，充滿鹹香，口感很順滑。🍝Black Truffle Penne一開蓋就聞到非常濃郁嘅黑松露香味，長通粉很掛汁。🐟Pan Fried Seabass賣相超好嘅鱸魚，魚肉質扎實鮮嫩，配合各種蔬菜，非常豐
🕳️Enchanté以神秘洞穴的外型吸引咗好多人打卡，當然亦包括我，呢間開在尖沙咀金巴利道嘅新餐廳主打法國菜，門口對街，引起好多途人目光。
😃入門口有一條假樓梯，樓梯上放置西洋棋，四面都用咗玻璃同反光材料打造成無限延伸嘅效果，在霓虹燈照耀下，更顯氣勢非凡。
🐬往餐廳入面望去，室內猶如同洞穴般，客人好似坐在洞穴中用餐，四周圍乃至天花都係一體成型，仿風化表面嘅凹凸不平質感栩栩如生，在光影下變得極度吸引，色彩變幻無窮，粉得黎唔會太過妖艷，紫色又非常迷人。
🦧餐廳坐位唔算多，但設有兩個小洞穴梳發位，可以坐果度真係威威啦，要提前book啦！
🍞餐包很有質素，新鮮滾熱辣夠晒鬆軟！
🌹Rosé Royal打卡餐廳梗系要嗌杯signature cocktail 打吓卡，咁揀呢抔都真係靚嘅，味道都幾ok
🥓Iberico Ham 伊比利亞黑毛豬，擺盤好靚，搭配鮮甜嘅哈密瓜同無花果。
🥣Lobster Bisque龍蝦味濃郁，充滿鹹香，口感很順滑。
🍝Black Truffle Penne一開蓋就聞到非常濃郁嘅黑松露香味，長通粉很掛汁。
🐟Pan Fried Seabass賣相超好嘅鱸魚，魚肉質扎實鮮嫩，配合各種蔬菜，非常豐富。
🍎Tarte Tatin有新鮮蘋果蓉，趁熱食啦，影耐咗雪糕就會融…哈哈
📍Enchanté
尖沙咀金巴利道40號MW Plaza地舖
張貼
