Library Restaurant and Bar

營業中

休息中

約咗個好耐都冇見嘅朋友食飯，就佢放工地點就揀咗呢間餐廳。貪佢裝修靚，可以打下卡之餘，見到嘢食嘢飲啲評價都幾好，試完之後覺得係冇失望，同預期一樣咁好。如果天氣冇咁熱，坐喺露台吹吓風飲吓酒都夠晒chill。‣ 慢煮封門牛柳 $348肉質相當鮮嫩，食到好濃郁嘅肉香，一上枱已經聞到香氣撲鼻。醬汁都調配得恰到好處，而作為伴菜嘅薯蓉奶香十足，口感細膩而且滑溜，會推薦大家嗌嚟食。‣ 燒半黃雞 $198個燒雞相當吸引，好耐都未食過咁香嘅燒雞。醃製嘅醬汁相對上比較甜，但係好中我口味。雞肉超級嫩滑而且非常之多汁，一刀切落去嘅時候啲汁爆晒出嚟，真係好誇張，唯一有少少後悔冇叫到全隻雞嘅菜式。‣ 四大美人 $140‼️甜酒愛好者極推薦‼️入口嘅時候係有啲驚艷，酒精都算幾濃嘅情況下，都飲得出荔枝、提子嘅果實香，味道清新而且口感輕盈，相當容易入口。而放上枱嘅時候，朋友都忍唔住話個杯同壼好靚，拎嚟打卡都正。