影片
更多
2022-11-21
23 瀏覽
尖沙咀西餐🤩🎊Avenue75有一日放工無意中發現左尖東有間充滿格調同藝術氣息既新派酒吧餐廳Avenue75，一於同姊妹去試下😚一坐低waiter好熱情同我地介紹menu，最特別之處就係原來6款signature cocktail同餐廳牆上既係壁畫係對應既，每幅壁畫上真係根據唔同cocktail有唔同既style，絕對係一個加分既打卡位🙆🏻♀️✨係食物方面我地點左2款小食同1款主食🤩泰式炸蝦餅·蟹肉牛油果沙律個蝦餅係熱辣辣，蝦肉係有咬口同彈牙，蟹肉牛油果沙律係凍既，可以中和返炸蝦餅既熱氣感，而蟹肉份量足！炭燒墨魚柳墨魚柳啖啖肉，容易咬唔會好un，而且一啲都唔腥，點埋個酸酸辣辣既汁更加畫龍點睛，我食到停唔到口！醉香脆皮燒雞·香茅油飯主菜上到已急不及待要切開，切開時已聞到淡淡既酒香同燒雞香味，燒雞肉質都算滑。平時我比較少食油飯因為怕肥，但呢個香茅油飯係滑得黎又唔會好油膩，整體不錯。係cocktail方面我地叫左2杯。Ukiyo-e呢杯係有日本sake酒係入面既，味道有清新既柚子味，餐廳仲非常貼心加左個杯套，值得一讚。Lady Grey呢杯就好似去食下午茶一樣，仲配左一件朱古力蛋糕。飲落有少
有一日放工無意中發現左尖東有間充滿格調同藝術氣息既新派酒吧餐廳Avenue75，一於同姊妹去試下😚
一坐低waiter好熱情同我地介紹menu，最特別之處就係原來6款signature cocktail同餐廳牆上既係壁畫係對應既，每幅壁畫上真係根據唔同cocktail有唔同既style，絕對係一個加分既打卡位🙆🏻♀️✨
係食物方面我地點左2款小食同1款主食🤩
泰式炸蝦餅·蟹肉牛油果沙律
個蝦餅係熱辣辣，蝦肉係有咬口同彈牙，蟹肉牛油果沙律係凍既，可以中和返炸蝦餅既熱氣感，而蟹肉份量足！
炭燒墨魚柳
墨魚柳啖啖肉，容易咬唔會好un，而且一啲都唔腥，點埋個酸酸辣辣既汁更加畫龍點睛，我食到停唔到口！
醉香脆皮燒雞·香茅油飯
主菜上到已急不及待要切開，切開時已聞到淡淡既酒香同燒雞香味，燒雞肉質都算滑。平時我比較少食油飯因為怕肥，但呢個香茅油飯係滑得黎又唔會好油膩，整體不錯。
係cocktail方面我地叫左2杯。
Ukiyo-e
呢杯係有日本sake酒係入面既，味道有清新既柚子味，餐廳仲非常貼心加左個杯套，值得一讚。
Lady Grey
呢杯就好似去食下午茶一樣，仲配左一件朱古力蛋糕。飲落有少少似齋啡既味道，酒味唔會太濃又易入口，打卡一流😝💓
Avenue75整體係環境風格、食物、飲品同服務都不錯，價錢都合理，我會想再同朋友再黎試埋另外4款cocktail🥰🎊
張貼
