影片
更多
2024-10-13
261 瀏覽
週末特登揀一間有情調嘅餐廳，同男朋友一齊享受吓。雖然唔係fine dining，但係成個用餐體驗都相當之唔錯，現場仲有live band，望住個海景聽住歌真係極之享受。‣ 五週年優惠二人套餐 $988· A4 鹿兒島和牛他他薯仔千層和牛肉質細膩，入口嘅時候覺得勁香，食得出本身牛肉嘅鮮味。而薯仔千層外酥內軟，香脆得嚟完全唔會覺得油膩，同和牛本身嘅嫩滑有互補嘅作用，或者可以話個口感更上一層樓，層次都豐富咗唔少。面頭嘅金箔令到成道前菜更加精緻，打卡一流。· 藍鰭吞拿魚他他西米薄脆配魚子醬兩道前菜我都覺得超出色，魚肉質地都相當之細膩，調味唔重手，所以更加突顯到吞拿魚嘅鮮味。魚子醬都係一個錦上添花嘅作用，少少嘅鹹香先令個味道唔會太過單調。我都好鍾意嗰西米薄脆，同樣都係令到個口感豐富咗。· 黑松露忌廉菌湯個湯真係令到我覺得有驚喜，冇諗過佢本身菇嘅可以做到咁濃郁，相當之舒服。而忌廉嘅加入就令到個湯更加順滑，黑松露嘅味道真係可以話係個湯嘅靈魂，每一啖都好似飲緊精華咁樣，相當鍾意亦都好滿意個湯。· 經典法式洋蔥湯雖然相比起黑松露忌廉菌湯，洋蔥湯就顯得比較清淡啲，但係飲落口嘅時候都覺得好舒服，每一啖都飲到
‣ 五週年優惠二人套餐 $988
· A4 鹿兒島和牛他他薯仔千層
和牛肉質細膩，入口嘅時候覺得勁香，食得出本身牛肉嘅鮮味。而薯仔千層外酥內軟，香脆得嚟完全唔會覺得油膩，同和牛本身嘅嫩滑有互補嘅作用，或者可以話個口感更上一層樓，層次都豐富咗唔少。面頭嘅金箔令到成道前菜更加精緻，打卡一流。
· 藍鰭吞拿魚他他西米薄脆配魚子醬
兩道前菜我都覺得超出色，魚肉質地都相當之細膩，調味唔重手，所以更加突顯到吞拿魚嘅鮮味。魚子醬都係一個錦上添花嘅作用，少少嘅鹹香先令個味道唔會太過單調。我都好鍾意嗰西米薄脆，同樣都係令到個口感豐富咗。
· 黑松露忌廉菌湯
個湯真係令到我覺得有驚喜，冇諗過佢本身菇嘅可以做到咁濃郁，相當之舒服。而忌廉嘅加入就令到個湯更加順滑，黑松露嘅味道真係可以話係個湯嘅靈魂，每一啖都好似飲緊精華咁樣，相當鍾意亦都好滿意個湯。
· 經典法式洋蔥湯
雖然相比起黑松露忌廉菌湯，洋蔥湯就顯得比較清淡啲，但係飲落口嘅時候都覺得好舒服，每一啖都飲到洋蔥本身嘅甘甜，仲有塊芝士係面，洋蔥嘅甘甜配芝士嘅鹹香真係唔錯嘅配搭，涼涼哋嗰陣飲好舒服。
· 輕炙日本鮮帶子配鮮蠔忌廉意大利飯
平時好驚食飯，因為怕太飽，但係餐廳嘅份量處理得啱啱好，而且一早已經分好晒，個賣相都相當之靚同埋精緻。每一啖食落口嘅時候，都會食到蠔嘅嗰種鮮味，但係又唔會話太腥，其後就會食到忌廉嘅香，好食到真係幾分鐘就食晒。
· 美國頂級安格斯肉眼扒配鵝肝黑松露醬
鵝肝黑松露醬真係值得一讚，黑松露味亦都係相當之濃郁，真係神來之筆，畢竟牛扒就食得多，但係有一個出色嘅醬汁會令到成塊牛扒更加突出。而本身牛扒亦都煎得相當出色，仍然保留粉嫩嘅狀態，油脂亦相當均勻。
· 是日甜品
蛋糕嘅濕潤程度啱啱好，而本身朱古力慕絲入口已經相當之順滑，絲絲嘅苦澀味完美咁樣平衡到本身朱古力帶嚟嘅甜。除此之外，慕絲嘅質地都相當之輕盈，唔會太過厚實，作為飯後甜品都幾滿意。
張貼
