新泰東南亞餐廳

營業中

休息中

成日經過尖沙咀泰國菜都好多人等位，今日訂定位來食，餐廳門口有泰國象，又有嘟嘟車裝飾，更有泰國風味，入座要落一層，超大超多座位，但都坐滿人，氣氛熱鬧。我地點左3款美食，份量都大份好滿足。小拼盤 (蝦餅、魚餅) $168炸得金黃酥香，蝦餅好爽口彈牙，蝦味重，咬落有蝦肉粒。魚餅軟軟綿綿微彈，魚肉混合各種泰式香料，味道好香又唔會腥，仲有D豆角粒增加咬口，兩款都好好味又啖啖肉。生菜肉碎包 $88我地揀左豬肉，味道有驚喜，好夠辣同夠酸，泰式香料味突出，仲有配料，千層塔、芫荽、檸檬葉、紫洋蔥.....配半肥瘦豬肉碎，好香好好味，生菜新鮮爽脆。泰式蝦炒金邊粉 $118賣相吸引，蛋皮包著炒金邊粉，大蝦有3隻好爽彈好食，炒金邊粉加左茄汁調味，酸酸甜甜好開胃消膩，仲可以加青檸汁，更添泰式風味，我仲加左花生碎好香口，金邊粉炒得乾身，口感滑溜帶點堅韌。