霸嗎拉麵 (金巴利道)

營業中

休息中

喺尖沙咀行完街想食拉麵，見附近有呢間霸那拉麵，見到餐廳裝修都幾日式，應該是幾好食同正宗。今次叫咗辛辣溫泉蛋蔥油豚角撈麵，我另外再加咗竹筍同味付。首先覺得好特別，平時拉麵通常都係湯麵或者沾麵，見到佢呢一個有撈麵嘅選項，所以今次就決定一試，味道啱啱好，唔會太鹹，辣得幾惹味，今次嗌咗中小辣，比起我平時食開三小辣嘅辣，但係都仲接受到。另外蔥油豚角肉質彈牙，有少少入口即溶嘅感覺，幾好食。朋友叫咗炙燒豚肉味玉拉麵，我試咗一啖佢嘅湯底，都食得出有鮮味，燒豚肉好香，幾肥美，好食。我哋另外亦都加咗個炒野菜，主要都係芽菜，幾爽口。我哋就冇嗌嘢飲，不過今次就叫咗兩個日本直送嘅雪葩，柚子電葩好清爽，白米雪葩有驚喜，食得出一粒粒米。