影片
更多
2021-03-09
206 瀏覽
呢間沾麵店上網睇評價，好評差評各半，試下睇下佢究竟好冇食先！佢呢度既沾麵主要有四種湯底揀：魚介、赤海老、龍蝦，同埋芝士海膽。 1️⃣特製八代海赤海老沾麵（$99）佢既沾麵一律係用石鍋上，保溫效果更佳。一黎到，視覺效果一流啊，面頭舖上左啲櫻花蝦，個湯汁熱辣辣仲滾緊既樣😍不過食落冇睇落咁吸引，湯汁既質地好結身，但係唔知點解蝦味唔算好濃。不過幾鍾意呢度既係，佢既沾麵汁係可以無限refill，完全唔洗就住黎沾啲汁，而且次次refill 佢都係成個鍋拎走，refill翻黎既都係熱辣辣滾緊既湯汁！ 碗麵有配埋叉燒同糖心蛋，叉燒肥瘦適中，帶有炙燒過既香味，唔錯。溏心蛋都好夠流心！麵方面，食落有咬口，煮既時間啱啱好，亦都好掛汁👍 最後食曬麵可以叫店員加啲雞湯落去淨低既沾米麵汁到飲埋佢，加左湯飲味道唔錯，雖然蝦味唔夠出，但係飲落都ok唔錯。 2⃣️元祖龍蝦沾麵（$105）龍蝦湯味道濃好多，感覺有啲似去西餐廳飲既龍蝦濃湯。不過同網上啲評論講既一樣，佢真係好結身，結身得濟😂已經結到唔係好似沾麵用既汁。不過我覺得可接受既，佢好濃好結，沾上麵到食既時候味道更加強，啖啖都係滿滿既湯汁。 叉燒同糖心蛋都係唔錯。最後
1️⃣特製八代海赤海老沾麵（$99）
佢既沾麵一律係用石鍋上，保溫效果更佳。一黎到，視覺效果一流啊，面頭舖上左啲櫻花蝦，個湯汁熱辣辣仲滾緊既樣😍不過食落冇睇落咁吸引，湯汁既質地好結身，但係唔知點解蝦味唔算好濃。不過幾鍾意呢度既係，佢既沾麵汁係可以無限refill，完全唔洗就住黎沾啲汁，而且次次refill 佢都係成個鍋拎走，refill翻黎既都係熱辣辣滾緊既湯汁！ 碗麵有配埋叉燒同糖心蛋，叉燒肥瘦適中，帶有炙燒過既香味，唔錯。溏心蛋都好夠流心！麵方面，食落有咬口，煮既時間啱啱好，亦都好掛汁👍 最後食曬麵可以叫店員加啲雞湯落去淨低既沾米麵汁到飲埋佢，加左湯飲味道唔錯，雖然蝦味唔夠出，但係飲落都ok唔錯。 2⃣️元祖龍蝦沾麵（$105）
龍蝦湯味道濃好多，感覺有啲似去西餐廳飲既龍蝦濃湯。不過同網上啲評論講既一樣，佢真係好結身，結身得濟😂已經結到唔係好似沾麵用既汁。不過我覺得可接受既，佢好濃好結，沾上麵到食既時候味道更加強，啖啖都係滿滿既湯汁。 叉燒同糖心蛋都係唔錯。最後食完之後加湯，飲落更加似西式既龍蝦濃湯🦞係好味既。
張貼
