Soulgood Bakery (已搬遷) 新店位置

呢間喺K11 Musea嘅巴斯克芝士蛋糕店Soulgood Bakery @soulgood bakery。佢哋原本都有幾款大熱口味嘅巴斯克芝士蛋糕，呢次佢哋仲推出咗兩款有有聖誕氣氛嘅聖誕節蛋糕，分別係秘製草莓醬流心巴斯克芝士蛋糕，蘋果金寶巴斯克芝士蛋糕。佢哋仲有較細嘅4吋嘅聖誕套裝。而我呢次就揀咗秘製草莓醬流心巴斯克芝士蛋糕。秘製草莓醬流心巴斯克芝士蛋糕：佢哋嘅巴斯克芝士蛋糕用咗三款不同嘅芝士所製，分別係日本，澳洲同埋美國嘅芝士。而所用嘅牛奶同雞蛋都係嚟自日本，佢哋嘅用料真係非常講究，所以佢哋嘅芝士蛋糕咁好食。而佢哋嘅秘製草莓醬就用咗嚟自日本嘅草莓所做，無任何添加，夠哂健康，果香好濃，甜度適中，同芝士蛋糕嘅味道好夾。切開蛋糕之際草莓醬同芝士就好似溶岩咁流出嚟，好完美做到流心嘅效果。