影片
更多
2022-06-08
63 瀏覽
疫情關係都少左一大班朋友出街「烚下烚下」，但係打邊爐無分季節時間，任何嘢都無阻我呢個火鍋控頻頻地出動周圍走訪各家火鍋店。云手工火鍋店係尖沙咀加連威老道瑞生酒店3樓，係THE ONE對面。酒店大堂裝修幾新穎，完全唔似進入酒店範圍。火鍋店佔地一整層，有幾間幾大幾靚既VIP房。店鋪裝修簡潔，主打各類吸睛精緻火鍋湯底同手工配料。.🍲 金湯花膠火鍋 💲368呢到既招牌湯底之一。叫得金湯，湯底全部素材都係以金色做主調配合番主題。餐廳用咗金黃色嘅腐皮包住一眾湯料：包括半隻雞件、金黃色娃娃菜、花膠同素翅等，再用靚靚嘅小花裝飾縛實呈上。侍應好細心問我哋需唔需要影相，然後再慢慢剪開呢個黃金福袋，最後倒入雞湯。雞湯清甜，真係會飲到見底先至開始打邊爐。.火鍋配料：🔸牛肉拼盤(中) 💲388🔸自家製紫菜響鈴 💲88🔸香煎鵝肝墨魚丸 (半份) 💲68🔸手打鹹蛋黃蝦丸 (半份) 💲52🔸極茜豚肉餃 (半份) 💲48🔸雜菜拼盤 💲88.呢間火鍋店幾貼心，大部份食材都有分中或者大、全份或半份版本，方便我哋呢啲火鍋控，就算人少少都可以試到唔同嘅嘢。.兩個人貪心咩都想試吓，叫咗個包羅萬有小版本牛肉拼盤：有本地牛肉、安格斯牛
.
🍲 金湯花膠火鍋 💲368
呢到既招牌湯底之一。叫得金湯，湯底全部素材都係以金色做主調配合番主題。餐廳用咗金黃色嘅腐皮包住一眾湯料：包括半隻雞件、金黃色娃娃菜、花膠同素翅等，再用靚靚嘅小花裝飾縛實呈上。侍應好細心問我哋需唔需要影相，然後再慢慢剪開呢個黃金福袋，最後倒入雞湯。雞湯清甜，真係會飲到見底先至開始打邊爐。
.
火鍋配料：
🔸牛肉拼盤(中) 💲388
🔸自家製紫菜響鈴 💲88
🔸香煎鵝肝墨魚丸 (半份) 💲68
🔸手打鹹蛋黃蝦丸 (半份) 💲52
🔸極茜豚肉餃 (半份) 💲48
🔸雜菜拼盤 💲88
.
呢間火鍋店幾貼心，大部份食材都有分中或者大、全份或半份版本，方便我哋呢啲火鍋控，就算人少少都可以試到唔同嘅嘢。
.
兩個人貪心咩都想試吓，叫咗個包羅萬有小版本牛肉拼盤：有本地牛肉、安格斯牛肉、牛舌、牛胸爽、牛心掟同牛柳粒，每款約四、五件，二人分享剛剛好。牛胸爽同牛心掟係一般火鍋店比較少見到，幾特別岩哂咩都想試既食客。
.
自家製響鈴分左一般同埋有紫菜版，一向都鍾意紫菜呢個配搭，正評。丸子係較有特色嘅手打有餡款，半份四粒。試咗鵝肝同埋鹹蛋黃餡嘅，中間餡料味道有少少搶，份量不算大。
.
極茜豚肉餃有驚喜，茜味都幾出。雜菜拼盤份量比想像多，整整一大盤仲有番茄同粟米。
.
總結：見隔離檯叫其他湯底，例如火焰椰子雞煲炒到火光紅紅都好吸引，下次真係要再訪試下。
.
不專業食評 nei.foodie
金湯花膠火鍋
$368
18 瀏覽
0 讚好
0 留言
金湯花膠火鍋
$368
0 瀏覽
0 讚好
0 留言
金湯花膠火鍋
$368
0 瀏覽
0 讚好
0 留言
金湯花膠火鍋
$368
1 瀏覽
0 讚好
0 留言
金湯花膠火鍋
$368
2 瀏覽
0 讚好
0 留言
張貼
