影片
更多
2023-01-09
5970 瀏覽
📌 星海．譽宴 (The ONE) - 尖沙咀彌敦道100號The ONE 18樓🗓(7/1) 星期六 ⏰ 早上10點左右💈特式：今日放假早左起身，所以想搵個地方飲返個早茶，橫掂要出尖沙咀買少少野，所以就去左呢間位於The ONE 18樓嘅酒樓飲茶，佢係走比較高檔路線，同埋酒樓擁有個無得頂嘅景。🥩🍔🌭🌮🥗🥯🥘🍲🍝🍣🥟🍤🍱食物：佢食物嘅種類就唔算好多，但一般飲茶應有嘅點心都會有，另外仲有一些小食等等，等我同大家講下🫖味道先。今日總共叫左6個點心（招牌胡椒濃雞湯灌湯餃/清香魚肚卷/黑胡椒安格斯牛肉腸/鮮淮山長腳蟹柳棉花雞/薑蔥蒸牛栢葉/紫金醬蒸金錢肚），3個小食（冰鎮萵筍/泡椒鵝掌翼/沙薑豬手粒），1個甜品（香芒糯米卷）。招牌胡椒濃雞湯灌湯餃 - 呢個雞湯係幾好飲，胡椒味又重，不過隻灌湯餃（應該係叫湯浸餃）就無乜餡料，唔算出色。清香魚肚卷 - 呢個就好普通，真係用腐皮包住魚肚咁簡單。黑胡椒安格斯牛肉腸 - 呢個個味好食，但上枱時已經唔熱，所以感覺麻麻。鮮淮山長腳蟹柳棉花雞 - 呢個就係普通棉花雞，同埋淮山真係唔適合蒸，因為淋左口感一般。薑蔥蒸牛栢葉/紫金醬蒸金錢肚 - 呢兩個就正正常常酒樓
🗓(7/1) 星期六 ⏰ 早上10點左右
💈特式：今日放假早左起身，所以想搵個地方飲返個早茶，橫掂要出尖沙咀買少少野，所以就去左呢間位於The ONE 18樓嘅酒樓飲茶，佢係走比較高檔路線，同埋酒樓擁有個無得頂嘅景。
🥩🍔🌭🌮🥗🥯🥘🍲🍝🍣🥟🍤🍱
食物：佢食物嘅種類就唔算好多，但一般飲茶應有嘅點心都會有，另外仲有一些小食等等，等我同大家講下🫖味道先。
今日總共叫左6個點心（招牌胡椒濃雞湯灌湯餃/清香魚肚卷/黑胡椒安格斯牛肉腸/鮮淮山長腳蟹柳棉花雞/薑蔥蒸牛栢葉/紫金醬蒸金錢肚），3個小食（冰鎮萵筍/泡椒鵝掌翼/沙薑豬手粒），1個甜品（香芒糯米卷）。
招牌胡椒濃雞湯灌湯餃 - 呢個雞湯係幾好飲，胡椒味又重，不過隻灌湯餃（應該係叫湯浸餃）就無乜餡料，唔算出色。
清香魚肚卷 - 呢個就好普通，真係用腐皮包住魚肚咁簡單。
黑胡椒安格斯牛肉腸 - 呢個個味好食，但上枱時已經唔熱，所以感覺麻麻。
鮮淮山長腳蟹柳棉花雞 - 呢個就係普通棉花雞，同埋淮山真係唔適合蒸，因為淋左口感一般。
薑蔥蒸牛栢葉/紫金醬蒸金錢肚 - 呢兩個就正正常常酒樓級數好少少。
冰鎮萵筍 - 萵筍係幾新鮮爽口，配埋豉油芥茉幾清新。
泡椒鵝掌翼 - 不過不失，不過如果做泡椒味，我情願佢做返正常滷水會仲好d。
沙薑豬手粒 - 呢個就真係做得唔錯，粒粒都好爽口，尤其是豬皮位置，不過略嫌沙薑味唔夠重。
香芒糯米卷 - 呢個甜品就值得推介，整體都做得唔錯，又唔太甜，口感味道都有中上水平。
☕️🍵🥤🧋🍺🍷🥃🍹🧉🍾🍶🥛
飲品 - 飲茶就通常都係叫普洱/水仙/香片/鐵觀音等等，咁佢都有齊呢d最普遍嘅茶品種，不過級數就普普通通。
🍽環境：餐廳環境/裝修係幾靚，因為佢地晚市係會比人包場做婚宴酒席，所以裝修都有返咁上下高檔，加埋大量落地玻璃窗/門，可以盡覽維港海景同香港島山景，仲有好多戶外坐位比客人坐下影相咁。
🤵🏻🤵🏻♀️🤵🏻♂️服務：店員服務態度都幾參差，有某兩三個比較正常返d，其他就好似懶懶閒咁，尤其係我當日大約10:05分到酒樓門口，因為佢開10點，當時店面好靜一個職員都唔見，我係門口企左10分鐘都無人招呼過，直到10分鐘後先有個知客施施然係入面行出嚟問我幾多位。
💰💸價錢：總數叫左6個點心，3個小食，1個甜品，埋單就$604，比起平時去普通大集團個d酒樓差唔多貴左40%左右，不過味道就比較好，亦有靚景提供，所以見人見智啦。
🐲💬總結：我對酒樓嘅環境/食物質素都幾滿意，不過價錢就唔算平，而家職員服務態度亦有待進步。
推薦指數：❤️❤️❤️🤍️🤍
張貼
