新羅寶韓國餐廳

營業中

休息中

去尖沙咀，想食韓國嘢，其實真係好多選擇，最後揀咗離地鐵站行唔使好遠嘅美麗華商場，因為夏天，真係唔想行太多。入到餐廳，環境闊落，安靜又乾淨，坐得很舒適。前菜五小碟每一個都很地道，有辣白菜、醃蘿蔔、重廣油味嘅爽甜芽菜同蜜香黑豆。前菜我哋就點咗韓牛他他，生雞蛋撈埋芝麻油青瓜同埋韓國水梨，口感非常豐富。醬油生蝦，食得出鮮濃鹹香嘅醬油，裏面嘅蝦肉質亦非常鮮甜彈牙。人蔘雞湯，湯頭非常鮮甜，伴隨淡淡既人參味，雞肉亦十分嫩滑。最令我覺得驚艷的是韓式伊麵，十分爽滑，八爪魚是經典的甜辣口味，十分開胃。