阿四快餐 (已結業)

下午三時多，在尖沙咀下午茶，揾一間又想坐久一點的茶餐廳，並非易事，咁岩見一樓有間食肆，行一層樓梯碰碰運氣。店內人客唔多，有卡位，而且仲係疏化位，唔錯。叫了個乾炒三絲河，份量居然與午餐、晚餐一樣。味道方面，作為鑊頭嘢，最緊要睇下個碟底係咪好多油，呢個碟底頗乾身，加分。 賣相算吸引，第一啖食落口，厚厚的河粉加上均勻的豉油充滿整個口腔，個種滿足感，實在難以形容。一間坐得幾舒服既茶餐廳。不過手抱BB、有BB車或上年紀既老人家就唔多建議。