阿四快餐 (已結業)

間唔中一個人都會黎Uncle 4 食個lunch ，但通常都係食炒粉、炒飯，所以今日就諗住試下佢地嘅咖哩。一入到餐廳，侍應姐姐都十分有禮貌並示意我的就座位置。餐廳咁岩播緊80-90年代嘅廣東流行曲，加上裝修等，格外有風味。今次叫左個咖哩豬扒飯，估唔到豬扒都唔會好靱，正正常常，但最意想不到嘅係竟然係有兩塊大大塊嘅豬扒，仲有青椒、洋蔥、薯仔等配料，真係岩哂大食嘅我🤣🤣。咖哩汁非常香濃，辣度對我來說剛好。由於係午市套餐，可選中湯或西湯，仲有一杯飲品，賣單都係$60，算是貼地。

經過依間見咖喱咁出名就試下啦～叫咗2份下午茶芝士咖喱焗海南雞飯～賣相都吸引～咖喱幾香椰奶味～不過D雞肉好淋～一咬就散似煲咗好耐嘅肉～仲要有D奇怪味～冇咩肉骨多～睇落吸引食落麻麻芝士肉醬焗意粉味道仲奇怪～肉醬唔算多剛好夠撈意粉～食到泰式酸辣醬味～有好多辣椒粒～餐牌冇寫辣～如果係小朋友或者唔食辣叫咗嗰D人點算好下午茶跟餐飲～熱奶茶正常嘢枱櫈都好油好污糟～紙巾抹幾次都好油～唔介意嘅先好試～擔心衛生問題冇下次

疫情前，會間中食嘅一間茶餐廳。今次係疫情後再幫襯。佢嘅食物質素都算幾好，又唔貴。咖哩雞髀飯，係每次我去都會食嘅。雞髀係炸嘅，好脆，入面肉質反而仲好嫩。配上咖哩汁好正😊大家如果平時係尖沙咀唔知食咩，呢度係唔錯

【油尖旺區】【琪旺家】喺尖東食嘢，多數都係啲貴價嘢，不過亦都有啲茶餐廳。今日想講呢間係一間幾抵食嘅餐廳，以廉價西餐為招徠嘅。佢哋之前係叫「Uncle 4 阿四快餐」，喺香港都有幾間。最近尖東呢間叫「琪旺家」，不過換湯不換藥。講到第一次食就已經係好耐之前，見到有 $72 嘅鐵板套餐「黑椒雜扒配薯條」就叫個嚟食。咁當然係跟黑椒汁同薯條，湯就飲忌廉湯。味道上就一般架喇，港式快餐店質素，唔要求太多。加 $2 飲「凍檸茶」少甜，都可以。之後嗰次食 $60 嘅「正宗海南文昌雞飯套餐」跟中湯，都係加咗 $2 要「凍檸茶」不過今次走甜。質素上隻雞就好一般，失望。而再之後就食 $59 嘅「芝士蒜蓉焗豬扒意粉」飲忌廉湯同加 $2 嘅「凍檸茶」走甜，都係焗嘢穩陣。所以佢改名後我都係食 $65 嘅「仿鮑片黑椒汁焗肥牛意粉」改咖喱汁，晚市送「楊協成甘蔗水」，冇咗水吧咁。總括而言，諗唔到食乜之下，過嚟食個快飯都係一個唔錯嘅選擇，唔係我都唔會食咁多次，穩陣啲咪食焗嘢。。。（地址：尖沙咀漆咸道南69號閣樓）#1amfoodie #foodie #hkfoodie #thatfoodiething #hkfood #f

呢間嘢簡直離曬譜 又污糟邋遢 水壺上又有曱甴 態度又差 好似得罪咗佢哋好~~多嘢咁 落單連行過嚟都唔願意 喺個櫃檯叫我大嗌畀佢聽要啲咩 嘢又唔係特別好食 環境邋遢到咁 都覺得佢啲嘢食邋遢 浸餐具嗰隻杯入面有肉碎 好似人哋朗完口吐返出嚟嗰啲嘢咁 🤮🤮🤮 埋單問佢可唔可以用 Alipay 答都唔答我 扮聽唔到 淨係掛住同啲同事喺度傾計 傾計就大大聲咁傾

午餐好多人， 疫情下還是要面對面搭臺，不太喜歡。 西湯味道ＯＫ，材料份量足，夠味。日式海鮮炒烏冬，有小蝦。炒得都ＯＫ。乾炒黑椒牛柳絲米粉賣相可以。 味道普通，唔夠黑椒。

兩公婆逛尖沙咀後，便到Uncle 4港式餐廳食晚餐， 老婆想食鐵板餐，我哋便叫兩款鐵板餐share食😋😋～ 牛扒鐵板配意粉--黑椒汁--西湯羅宋湯（餐飲凍檸茶）牛扒及意粉份量十足，牛扒有啲筋位幾好食，意粉幾爽，黑椒汁一大碗，羅宋湯唔會太濃😋～ 石斑鐵板配薯條--洋蔥汁--中湯薯仔湯（餐飲凍咖啡）石斑及薯條份量十足，石斑好脆口，洋蔥汁大大碗，薯條係粗薯條，薯仔湯清清甜甜😋餐飲略為多冰，但轉凍飲衹需加兩元。店員服務效率高，食物份量十足，值得再食😋😋

話說有日行街行到攰攰地，又到下午茶時間，見到有間叫Uncle 4，朋友話這間好食，於是我哋就決定上去食返個Tea先🍽上到去地方好大，窗邊咁啱有位，所以就坐窗邊，望住尖沙咀東果邊食Tea感覺幾好😊下午茶⋯好多款式，有三文治丶扒餐丶粉面餐丶焗飯炒粉炒麵都有，價錢由$3x-$49左右，豐儉由人。我揀咗咖哩雞扒雞蛋米線和熱咖啡，熱咖啡係一般茶餐廳果d，米線嚟到，好大份，雞扒都唔細而且係煎得邊位有少少脆，煎蛋都係熱的，仲有少少菜，咖哩汁野味，我估這店的咖哩食品係招牌出品。味道：好味份量：大CP值：高，會再嚟

今日假期第一日，出左去尖東行街。去到Uncle 4，就上左去睇下有無卡位，有就比個機會佢，試下有咩好食。今次我地就點左，黑椒什扒配炒飯(咖哩汁) $70 及海南雞飯 $58。黑椒什扒包括: 豬扒，雞扒，腸仔，火腿，可以跟炒飯或意粉。炒飯加上咖哩汁好吃。咖哩汁好大碗另外上很不錯。不過豬扒好乾，不好吃。雞扒同樣很麻麻，一樣乾爭爭。無估錯既話，應該係先用熱水煮熟，再煎兩下就上枱。所以最好食係個飯同腸仔。海南雞就麻麻，鞋颯颯，無雞味。我最鐘意飲忌廉湯，忌廉湯好飲夠濃，中湯都算不錯。

下午我在「尖沙咀」 小型商場裡面，喝完「咖啡」配甜味「泡芙」的下午茶之後，就動身離開商場，前往光顧同樣位於「漆咸道南」，今晚晚餐裡面的閣樓餐廳「阿四快餐」。雖然「阿四餐廳」裡面也有電視播放節目，但是由於「阿四餐廳」「尖沙咀」分店樓面裡面的電視機數目頗多，所以播放的頻道也不只有「83」頻道，以及黃昏播放整點新聞報導的電視臺「81」。恰巧我選擇享用晚餐的「阿四餐廳」，餐廳裡面也有電視機，正式播放我比較接受到，沒有太多新聞報導的「82」。所以我找對應該坐的座位之後，新聞報導當時對我的威脅也立刻被解除。至於「阿四餐廳」餐牌裡面的食品，最初我一直都找不到晚餐時段裡面的食品，後來我才忽然發現「阿四餐廳」晚市餐牌內容，原來跟「阿四餐廳」午市餐牌內容相同，只是享用晚餐需要支付比「午餐」昂貴三元的價錢而已。其實我大可以選擇，享用「尖沙咀」分店「阿四餐廳」晚餐餐牌裡面的「咖喱牛腩飯」食品，然後再追加一款雞肉小食食品，再加上套餐飲品就完成一份晚餐了。但是我一來找不到「阿四餐廳」晚餐餐牌裡面，有關「小食」食品的那一部分。所以我最後對「阿四餐廳」晚餐裡面的「雞肉」食品部分注意力，改為放在「海南雞飯」食品的身上。

茶餐厅是快捷方便的吃饭地方，吃过几次Uncle 4 ，印象都不错。店位于漆咸道谭仔米线的楼上，大街上有大招牌，很容易找到。上楼梯前会看到不同很多套餐的招片，感觉到他们的东西和种类可不少。桌上有几张过了胶的餐单，各式各样，价钱是50-70元之间。餐汤要了红汤，一般茶餐厅水准，没有什么特别，如果能带一个小餐包会满足很多。大大碟的仿鲍片牛柳丝炒一丁，料和面都不少，用铁板上，上桌时还听到 “咋咋”声，面与芽菜一起会很爽口，也不会太滞。餐茶是热柠茶，三块柠檬片，茶底一般，水准普通。虽然套餐的食品有参差，但起码不难吃，以价格和份量来说，是很不错的。

呢度嗌外賣好正啊😃好有鑊氣呀依度今次嗌左海南雞飯午餐$45已經有羅宋湯同埋嘢飲個碗羅宋湯好足料如果係細胃嘅女仔，淨係食碗湯都可以夠飽㗎啦碗飯都好大兜啊差唔多有成3分1隻雞淨係食啲雞已經好飽啦俾咗好多姜容我方便我撈好多飯泥食呢度係我外賣之選，會encore好多次✨就算係男仔都一定會夠食

一支冷行過見咁多款式咁上去睇睇叫左鐵板牛扒配炒飯羅宋湯可樂冰底$70落樓....！係尖咀.絕對接受質素：——羅宋湯先來.足料.我諗佢來碗大既.會飽左一半👍🏻👍🏻👍🏻..湯味都岩岩好...要講既唯有係冇肉👉🏻👈🏻鐵板牛扒...肉質有根有咬口.（咁平仲想點）炒飯.旦炒.粒粒分開既.👍🏻黑椒汁（睇相）唔係普通野...好味既黑汁🥰

全尖沙咀最抵咖喱饭午餐超多什菜鲜製羅宋湯～大量西芹椰菜～红羅白～红椒～洋葱片午飯時間～包括湯～中西～除了红湯也包括忌簾的和中湯！咖喱汁原味～一流的尖锐的好！白雪雪～软绵绵的飯粒～可能會係九龍區最好白飯豬扒有T骨～2大塊～味道清新～份额極慷慨～杯奶茶好飲～我研究過～一個超级紅湯～咖喱+2大煎猪排用品质上乘新白米饭～加入了以上圖片為证杯正式開工作奶茶～我倾向给阿4叔快餐店～至尊平價真心推荐！無論如何～最重要好吃！

Uncle 4今日中午同同事喺尖沙咀搵食，第一次跟咗人去漆咸道南69號閣樓嘅uncle four度食，門口唔係咁顯眼。上到去睇下餐牌，種類繁多，款式都好吸引，我最後揀咗個 *芝士咖哩焗雞扒飯* 再配一杯凍奶茶飲；店舖好好，會送上青紅蘿蔔湯，應該都冇點落調味料，十分清甜，而杯奶茶亦都有傳統茶餐廳嘅香味，只是略嫌淡咗一啲；焗飯等咗大概十分鐘，大大碗好有質素，芝士咖哩令到啲飯亦都有啲漿口嘅感覺，好香濃，下次可以再試試！