影片
更多
2022-12-19
25 瀏覽
放工喺尖沙咀想搵個地方食飯睇波，但我哋又怕諾士佛台太嘈雜🙈，所以再另覓去處。上網見到金巴利道有間樓上酒吧「LAVA」寫明有足球直播⚽️，菜式又好似幾啱食，就一於試吓。搭𨋢上到去，門口招牌唔太明顯，幸好外牆畫上油畫同餐廳名🎨。我哋推門入去發現，餐廳面積非常大，又寬敞，環境幾好喎，望落好似仲有室外座添。店員好快就為我哋送上Welcome Drink🍹，綠色液體勁搶眼，飲落好似有啲蜜瓜味，甜甜哋，酒精成份唔高。雖然小小心意，但好窩心。食物賣相吸引，🇪🇸西班牙Tapas款式繁多，細細份，價錢唔貴，可以嗌多幾款。意大利牛他他撻配脆薯仔($128)，他他好出色🥩，店員會預先幫忙分菜，一客有兩件。牛肉他他整到好似撻咁，拎住食好方便，而且面頭啲「木糠碎」脆卜卜，更添層次。牛肉咬落好綿又無筋，混入洋蔥、芝麻同小蔥等，調味微微酸，幾開胃，一啲都唔腥🤤。馬蕯拉炸雞髀仔($88)，🍗呢份炸雞鎚屬性價比高之選，一份有成六隻，啱晒食肉獸。馬蕯拉口味類近印度風情，重香料味，辣辣哋，幾惹味🇮🇳，另外仲搭伴少量脆蝦片。蟹肉奄列($98)，食西班牙菜點少得蛋餅Tortilla🍳。奄列所跟配嘅餡非芝士或風乾火腿等鹹味嘢，而係
放工喺尖沙咀想搵個地方食飯睇波，但我哋又怕諾士佛台太嘈雜🙈，所以再另覓去處。上網見到金巴利道有間樓上酒吧「LAVA」寫明有足球直播⚽️，菜式又好似幾啱食，就一於試吓。
搭𨋢上到去，門口招牌唔太明顯，幸好外牆畫上油畫同餐廳名🎨。我哋推門入去發現，餐廳面積非常大，又寬敞，環境幾好喎，望落好似仲有室外座添。
店員好快就為我哋送上Welcome Drink🍹，綠色液體勁搶眼，飲落好似有啲蜜瓜味，甜甜哋，酒精成份唔高。雖然小小心意，但好窩心。
食物賣相吸引，🇪🇸西班牙Tapas款式繁多，細細份，價錢唔貴，可以嗌多幾款。
意大利牛他他撻配脆薯仔
$128
0 瀏覽
0 讚好
0 留言
意大利牛他他撻配脆薯仔($128)，他他好出色🥩，店員會預先幫忙分菜，一客有兩件。牛肉他他整到好似撻咁，拎住食好方便，而且面頭啲「木糠碎」脆卜卜，更添層次。牛肉咬落好綿又無筋，混入洋蔥、芝麻同小蔥等，調味微微酸，幾開胃，一啲都唔腥🤤。
馬蕯拉炸雞髀仔
$88
4 瀏覽
0 讚好
0 留言
蟹肉奄列($98)，食西班牙菜點少得蛋餅Tortilla🍳。奄列所跟配嘅餡非芝士或風乾火腿等鹹味嘢，而係配蟹肉同蟹柳🦀，更顯鮮味同蛋香，可品嚐原汁原味。
西班牙脆豬肉配酸辣椒($98)，呢個有啲似德國鹹豬手同港式燒腩仔嘅混合版🐷。豬腩肉炸至脆卜卜，啲油都經已迫晒出嚟，所以唔覺油膩。酸辣椒又酸又辣🌶️，食完好醒神。
西班牙火腿，西蘭花，羅勒，車厘茄螺絲意粉($138)，菜式名説明一切食材🤣。餐廳嘅Pasta款式比較少，而呢一款更有啲似沙律，因為凍食嚟。螺絲粉染上綠色💚，好重羅勒香，我估計仲有啲牛油果醬，成個組合感覺幾新穎。
總括嚟講，餐廳各方面都唔錯，食物味道不俗，價錢亦算合理。同時，外藉店員服務態度好好，非常友善😊👍；而環境亦比一般酒吧舒服同乾淨得多。如果去尖沙咀嘅樓上酒吧，我會推介呢度！
張貼
