九十番地居酒屋

營業中

休息中

成日都經過尖沙咀君怡酒店，但就冇正式入過去食野，今次同朋友黎到酒店入面新開九十番地居酒屋一試，食物幾樣都好高質，服務亦好好👍🏼三文魚籽蟹膏豆腐，三文魚籽吱吱口感十足🧡蟹膏豆腐軟滑，陣陣蟹膏味滲出。汁煮梅貝即榮螺，醬汁香甜入味，榮螺充滿嚼勁🐚呢度卷物種類頗多，同朋友就揀咗松葉蟹肉壽司🦀同埋鐵火小卷。松葉蟹肉壽司一絲絲蟹肉好清甜🤍鐵火小卷裡面系拖羅，油脂豐富，入口即溶。夏蜜柑銀鱈魚🐟好大份！魚皮同魚肉油香亦十分豐富，魚肉每一片都好大片，魚肉嫩滑清甜，沾上沙律醬更美味💛有埋夏蜜柑組合好特別🍊清新解膩。牛肉牛蒡天婦羅烏冬🐮🍤好耐冇食牛蒡，外皮香脆，牛蒡口感實在，魚素主義朋友亦表示滿意。牛肉油脂分佈均勻，牛肉味香濃。