Paul's Kitchen

營業中

休息中

朋友食過一次返尋味，叫埋我一齊去食，諗諗吓咁大個人都冇食過非洲菜，於是就應約。雖然喺重慶大廈嚟講，價位都比較進取，但係絕對值呢個價錢。‣ 非洲辣王雞煲 $350用咗非洲嘅特有香料，呢隻味真係得呢間餐廳先食得到。好可惜自己唔係好食得辣，今次嗌咗小辣，朋友話再辣啲會更加香同埋好食。雞肉質地相當鮮嫩，雞件都唔少，雞煲嘅香味真係好有層次感，味道絕對唔單調。‣ 店主太太特色炆牛尾 $170我自己超級推薦炆牛尾，味道一流，而且我估計都係用非洲嘅香料，所以同出邊炆牛尾嘅味道絕對唔一樣。而且肉嘅份量都好多，牛尾炆到相當之軟淋，而且佢都係比較辣，但係辣得嚟幾過癮，大家一定要嗌。‣ 蒜香薄餅 $50店員推薦我嗌薄餅，於是就嗌嚟試吓，食落都幾重蒜香味，搭配牛尾同埋雞煲嘅醬汁真係一流，本身唔想食澱粉，但係都忍唔住嗌咗個薄餅。