嵐橋日本料理

營業中

休息中

尖沙咀隱蔽上樓日本料理，一入到去樓梯旁邊已經係兩個大酒櫃放滿曬清酒，上咗去第一眼就望到左手邊係有串燒嘅廚房，前面兩個刺身櫃放滿超多超肥美既刺身，同朋友坐低已經係好想食嘢，即刻嗌少少嘅食去攝住肚先，叫左漬物盛五點同和風刺身沙律，超級足料！漬物有蕎頭/牛蒡/鰹魚味噌漬蒜頭/ 醃青瓜同醃蘿蔔，全部漬物都好醒胃同好清新，蒜頭漬個味道唔會太濃，做開胃菜真係啱啱好！刺身沙律上面咩魚都有非常澎湃見到時令刺身嗌咗彷彿，肉質彈牙又唔會好重味。最特別嘅就嗌咗兩款好少見嘅串燒牛小排青蔥串同埋鮑魚雞翼串，加雞軟骨， 牛小排串經過汁燒肉味好香，啲蔥嘅香味滲曬落啲肉度，鮑魚雞翼串估唔到呢個配搭係咁match，師傅應該係不停浸汁去燒，啲汁已經燒入咗落隻雞翼度！之後嗌咗火炙左口魚邊壽司三文魚子壽司，關東煮同埋蘆筍海膽炒飯。本來其實已經食到好飽好飽 但係個海膽炒飯微微的香甜黑椒嘅少少辛辣 令到你會不斷咁想食落去！