影片
更多
2024-10-15
430 瀏覽
係尖沙咀近佐敦附近新開了一間親民價錢嘅海南雞店, 主打新加坡及馬來西亞菜; 這裏光線充足, 比較多卡位, 坐得舒適, 沒有擠迫的感覺; 食物選擇也有很多, 有多款套餐, 又可散叫, 有2人, 4人, 甚至10人套餐都有, 一家大細或朋友聚餐就啱哂。我同老公就揀了一個2人套餐, 佢嘅份量十足, 都係$189, 好肉好扺食。有半隻新加坡海南雞, 碳燒豬頸肉或可選擇鹵水慢煮元蹄或娘惹茶熏鴨或香煎瑤柱鹹魚肉餅, 4選1, 蝦湯浸時菜一碟或加$10轉娃娃菜, 無味精住家湯2碗或可選擇+$28要輕盈肉骨茶或輕盈喇沙米線, 仲配埋香油飯或白飯2碗, 港式熱飲2杯, 凍飲或汽水都係加$4, 還可以加多$22優惠價追加小食一碟。去骨新加坡海南雞金黃色嘅雞皮, 雞肉啱啱熟透, 無骨啖啖肉, 食落感覺鮮嫩和滑溜, 肉質滑嫩有彈性, 很有雞味, 再點上黑醬油, 辣椒醬及薑蔥蓉醬汁, 令這碟雞的味道豐富, 更上一層樓。碳燒豬頸肉外面燒到焦香脆, 內軟, 咬落微微的豬肉汁滿佈口腔裏, 十分香口, 還可點上特製辣椒醬一齊食, 感覺一啲都唔肥膩。無味精住家湯熱辣辣的湯端出來散發著陣陣的椰子香味, 湯裏有椰子粒, 係無
我同老公就揀了一個2人套餐, 佢嘅份量十足, 都係$189, 好肉好扺食。有半隻新加坡海南雞, 碳燒豬頸肉或可選擇鹵水慢煮元蹄或娘惹茶熏鴨或香煎瑤柱鹹魚肉餅, 4選1, 蝦湯浸時菜一碟或加$10轉娃娃菜, 無味精住家湯2碗或可選擇+$28要輕盈肉骨茶或輕盈喇沙米線, 仲配埋香油飯或白飯2碗, 港式熱飲2杯, 凍飲或汽水都係加$4, 還可以加多$22優惠價追加小食一碟。
去骨新加坡海南雞
金黃色嘅雞皮, 雞肉啱啱熟透, 無骨啖啖肉, 食落感覺鮮嫩和滑溜, 肉質滑嫩有彈性, 很有雞味, 再點上黑醬油, 辣椒醬及薑蔥蓉醬汁, 令這碟雞的味道豐富, 更上一層樓。
碳燒豬頸肉
外面燒到焦香脆, 內軟, 咬落微微的豬肉汁滿佈口腔裏, 十分香口, 還可點上特製辣椒醬一齊食, 感覺一啲都唔肥膩。
無味精住家湯
熱辣辣的湯端出來散發著陣陣的椰子香味, 湯裏有椰子粒, 係無味精嘅印度椰子湯, 好清甜清甜可口, 令人心曠神怡。
輕盈肉骨茶 +$28
有得揀加錢轉肉骨茶飲, 老公就話要試; 入面啲骨都係用左一字骨, 仲有雞腳,豆卜, 枝竹, 雲耳同唔少既藥材, $28真係幾抵飲嘅, 而且都有甘甜嘅味道, 唔錯。
蝦湯浸時菜
綠油油嘅菜芯食落感覺鮮嫩爽口, 夠哂爽甜, 再吸埋蝦濃湯嘅鮮甜咸香味, 提升了這道菜嘅味道, 真係有提鮮味道, 好味!
香油飯
金黃色嘅雞油飯, 米飯粒粒分明, 不覺油膩, 十分好味。
張貼
