影片
更多
2024-10-02
206 瀏覽
呢間尖沙咀嘅韓式餐廳最近推出咗個超抵食嘅優惠菜式，呢晚就約咗班friend嚟食啦🤗 一上到嚟就見到好sharp醒嘅藍色啤啤bear歡迎我哋啦🤩勁量芝士炸豬扒年糕拉麵鍋真係超推介呢一個抵食又飽肚嘅鍋物🤩 只係$68就食到啦，同朋友share就啱晒。淨係睇個名已經知道入面有炸豬扒、韓式年糕、韓式拉麵🍜 勁足料，除此之外，仲有魚糕同埋店員倒嘅大量芝士🧀 個芝士好吸引，配炸豬扒食真係一流🥰Butter X Garlic 無骨炸雞呢個係岩鹽香蒜白醬油口味，外層嘅炸粉唔厚，入面嘅雞肉幾嫩滑，無骨炸雞啖啖肉，啱晒我呢啲食肉獸啊🤣旋風爆蒜韓式豬腳冇諗過爆蒜嘅意思會係喺豬腳嘅面有大量嘅蒜蓉😮 底下嘅韓式豬腳炆得好入味，食落口唔會太肥膩🐷 呢一份豬腳仲額外配咗一份生菜，用生菜包裹住豬腳，再加埋蒜蓉同埋韓式嘅豆瓣醬，呢個食法真係唔錯👍🏻當黑松露遇上蟹籽拳頭飯個人好鍾意食韓式嘅拳頭飯，細細件又方便同朋友分享🍙 呢度嘅拳頭飯入面有蟹籽、紫菜、仲用上麻油同埋少量鹽做調味，簡單嘅配料再配埋畫龍點睛嘅黑松露沙律醬，真係令到呢個拳頭飯比坊間嘅韓式餐廳做得出色。脆炸魷魚圈每件魷魚圈都俾粉漿包裹住，粉漿唔算好厚，咬落去好脆
勁量芝士炸豬扒年糕拉麵鍋
真係超推介呢一個抵食又飽肚嘅鍋物🤩 只係$68就食到啦，同朋友share就啱晒。淨係睇個名已經知道入面有炸豬扒、韓式年糕、韓式拉麵🍜 勁足料，除此之外，仲有魚糕同埋店員倒嘅大量芝士🧀 個芝士好吸引，配炸豬扒食真係一流🥰
Butter X Garlic 無骨炸雞
呢個係岩鹽香蒜白醬油口味，外層嘅炸粉唔厚，入面嘅雞肉幾嫩滑，無骨炸雞啖啖肉，啱晒我呢啲食肉獸啊🤣
旋風爆蒜韓式豬腳
冇諗過爆蒜嘅意思會係喺豬腳嘅面有大量嘅蒜蓉😮 底下嘅韓式豬腳炆得好入味，食落口唔會太肥膩🐷 呢一份豬腳仲額外配咗一份生菜，用生菜包裹住豬腳，再加埋蒜蓉同埋韓式嘅豆瓣醬，呢個食法真係唔錯👍🏻
當黑松露遇上蟹籽拳頭飯
個人好鍾意食韓式嘅拳頭飯，細細件又方便同朋友分享🍙 呢度嘅拳頭飯入面有蟹籽、紫菜、仲用上麻油同埋少量鹽做調味，簡單嘅配料再配埋畫龍點睛嘅黑松露沙律醬，真係令到呢個拳頭飯比坊間嘅韓式餐廳做得出色。
脆炸魷魚圈
每件魷魚圈都俾粉漿包裹住，粉漿唔算好厚，咬落去好脆口🦑 魷魚圈咬口幾彈牙，點埋沙律醬係絕配。
Cass啤酒
又係一個勁抵嘅推介，$68就可以享用Cass韓式啤酒120分鐘任飲😆 同朋友一邊傾計一邊飲酒，一枝又一枝，你哋估吓120分鐘我可以飲到幾多枝？😗
超豐富嘅一餐啊🫢我哋真係好鍾意芝士鍋物嗰個芝士瀑布震撼視覺，大家都快啲趁優惠期間過嚟食啦💛
張貼
