OPPA Coffee Bar Restaurant

營業中

休息中

為食貓嘅我今次介紹韓國美食俾大家。呢間係位於尖沙咀金巴利街嘅韓國餐廳。兩個人食晚飯點左卡邦尼無骨炸雞、泡菜五花腩湯、雖然是點咗兩樣食物，但係佢嘅份量真係好多，我哋兩個人都食唔晒，特別係炸雞又去買骨啖啖都係肉，而泡菜五花腩湯酸酸甜甜辣辣，係我鍾意嘅味道，開胃！卡邦尼無骨炸雞我推薦鍾意食卡邦尼意粉嘅朋友可以試吓，我平時好鍾意食卡邦尼意粉，但係將佢嘅醬汁轉咗落炸雞度又係另一種感覺，美味！而另外要介紹嘅就係佢嘅五花腩酸辣湯，佢嘅味道比一般中式嘅酸辣湯甜味多少少，唔會太過辣同太過酸，但係甜甜地食落都好滋味，唔會太重口味，覺得配埋白飯一齊食更加好味道！而呢間韓國餐廳嘅地點都好方便，位於尖沙咀嘅旺市區，去唔同嘅地方同交通都好便利，食完晚飯或者晚飯前都可以喺附近行吓街shopping 。