影片
更多
2023-05-31
847 瀏覽
呢間餐廳出名食物擺盤好靚🤩 果然冇令人失望之前已經好想試佢個afternoon tea set不過今次就食咗佢個dinner先啦🫢火炙香蔥左口魚•魚白湯燉飯呢個魚白湯risotto 飯粒仲好有咬口🫢 幾鍾意廚師嘅小心機 本來左口魚會較多油份 食落口較油膩 但廚師用上青蔥 將輕輕炙燒過嘅左口魚包裹住青蔥 味道好fresh👍🏻 紅酒燉和牛肋肉•鵝肝醬和牛肋肉肉味香濃 肉質幾有口感 側邊仲有少少油脂 真係食過返尋味🐮 出面仲有洋蔥 蘿蔔等嘅配菜 我就覺得佢個鵝肝醬同牛肉好夾 點少少已經吊出咗牛肉嘅鮮味松露芝士薯條•蛋黃醬完全冇諗過呢個薯條會咁大兜🍟 我同朋友都俾呢個芝士薯條嘅份量嚇親 薯條係扭扭薯條咁嘅味道👅 上面灑上芝士粉 就咁食嘅味道已經好出色 加上隔離仲有個醬汁可以點 食晒成兜都唔會覺得油膩飲品Charcoal latte 呢個真係幾有特色 因為唔係度度都有竹炭咖啡 所以一見到我就嗌咗啦☕️ 朋友就嗌咗Cafe mocha 咖啡同朱古力味平衡得幾好 唔會覺得太甜整體餐廳氣氛唔錯 而且食物擺盤幾靚 未食完呢餐 已經想再嗌多碟和牛肋肉喇🤣 下次同朋友撐枱腳再嚟先
呢間餐廳出名食物擺盤好靚🤩 果然冇令人失望之前已經好想試佢個afternoon tea set不過今次就食咗佢個dinner先啦🫢
火炙香蔥左口魚•魚白湯燉飯
呢個魚白湯risotto 飯粒仲好有咬口🫢 幾鍾意廚師嘅小心機 本來左口魚會較多油份 食落口較油膩 但廚師用上青蔥 將輕輕炙燒過嘅左口魚包裹住青蔥 味道好fresh👍🏻
紅酒燉和牛肋肉•鵝肝醬
和牛肋肉肉味香濃 肉質幾有口感 側邊仲有少少油脂 真係食過返尋味🐮 出面仲有洋蔥 蘿蔔等嘅配菜 我就覺得佢個鵝肝醬同牛肉好夾 點少少已經吊出咗牛肉嘅鮮味
松露芝士薯條•蛋黃醬
完全冇諗過呢個薯條會咁大兜🍟 我同朋友都俾呢個芝士薯條嘅份量嚇親 薯條係扭扭薯條咁嘅味道👅 上面灑上芝士粉 就咁食嘅味道已經好出色 加上隔離仲有個醬汁可以點 食晒成兜都唔會覺得油膩
飲品
Charcoal latte 呢個真係幾有特色 因為唔係度度都有竹炭咖啡 所以一見到我就嗌咗啦☕️ 朋友就嗌咗Cafe mocha 咖啡同朱古力味平衡得幾好 唔會覺得太甜
整體餐廳氣氛唔錯 而且食物擺盤幾靚 未食完呢餐 已經想再嗌多碟和牛肋肉喇🤣 下次同朋友撐枱腳再嚟先
張貼
