影片
更多
2023-11-15
73 瀏覽
同大家分享一間私房菜會所嘅美食體驗。呢度係一個私密度高嘅地方，專為追求高品質食物嘅人而設。喜歡三五知己一大班人聚舊， 呢間會所式嘅餐館， 環境非常寬敞，由於店內有卡拉ok服務提供， 如果鍾意唱下歌仔，吹水食嘢， 這間私房菜可以話係不二之選。呢度主要係食高級中菜，先品嚐下廚師發板既前菜， 有鮮青瓜、腐皮、酸甜蕃茄、炸角仔和天然海草， 入口清新爽甜， 香脆淋滑，非常醒胃。蘭花蚌蝦仁腰果, 西芹和紅椒炒得好香口 ，蘭花蚌嘅鮮嫩同蝦仁嘅彈牙，再加上腰果嘅香脆，令味道更加層次分明，再點少少瑤柱XO醬嚟食，正。枝竹雙冬羊腩煲係一道秋冬季節嘅經典菜式。 真係要講講呢度嘅師傅嘅烹調技巧功夫真係好 出眾， 而且呢度嘅羊腩汁炆得非常之入味豐富，羊腩嘅肉質鮮嫩多汁，同枝竹同冬菇嘅香味完美結合， 簡單放上爽口生菜伴隨食用，而且湯汁濃郁，味道不會過搶過濁，亦不會帶過份既羊騷味，恰到好處，獨特嘅風味唔係其他地方可以食到。如果叫多碗白飯嚟餸食，真係可以話非常之滿足，好溫暖，冇得輸。當然唔少得主角清蒸太湖大閘蟹，搭配上鮮嫩嘅蟹肉同濃郁嘅蟹黃膏，味道鮮美無比。而且我哋今次食到公蟹， 點少少紅醋薑絲來食，清甜厚實，蟹膏濃
呢度主要係食高級中菜，先品嚐下廚師發板既前菜， 有鮮青瓜、腐皮、酸甜蕃茄、炸角仔和天然海草， 入口清新爽甜， 香脆淋滑，非常醒胃。
蘭花蚌蝦仁腰果, 西芹和紅椒炒得好香口 ，蘭花蚌嘅鮮嫩同蝦仁嘅彈牙，再加上腰果嘅香脆，令味道更加層次分明，再點少少瑤柱XO醬嚟食，正。
枝竹雙冬羊腩煲係一道秋冬季節嘅經典菜式。 真係要講講呢度嘅師傅嘅烹調技巧功夫真係好 出眾， 而且呢度嘅羊腩汁炆得非常之入味豐富，羊腩嘅肉質鮮嫩多汁，同枝竹同冬菇嘅香味完美結合， 簡單放上爽口生菜伴隨食用，而且湯汁濃郁，味道不會過搶過濁，亦不會帶過份既羊騷味，恰到好處，獨特嘅風味唔係其他地方可以食到。如果叫多碗白飯嚟餸食，真係可以話非常之滿足，好溫暖，冇得輸。
當然唔少得主角清蒸太湖大閘蟹，搭配上鮮嫩嘅蟹肉同濃郁嘅蟹黃膏，味道鮮美無比。而且我哋今次食到公蟹， 點少少紅醋薑絲來食，清甜厚實，蟹膏濃厚細膩，令人回味無窮。 最後店員更送上薑茶解寒，好貼心。
時令甜品又係非常出色，名貴冰花鮮奶燉燕窩加埋合時生果係一道奢華嘅甜品，健康養生嘅感覺， 呢個秋饌宴做得好出色，真係不用錯過，值得推介。
張貼
