影片
更多
2023-05-04
3880 瀏覽
尖沙咀麼地道呢帶尤其多咖啡店☕️之前經過見呢間Reaction Coffee roasters 好cozy，一直收藏咗，今日終於可以去試🥰Menu款式以cafe嚟講算多，我係俾佢啲Toast吸引而黎▶️ Spicy prawn toast ($108)兩大片疊起咗嘅合桃杏甫麵包，上面搽上柚子忌廉芝士，之後放上羽衣甘藍、香草車厘茄同埋四隻連尾香辣虎蝦麵包食落煙韌軟身，絕對唔係普通方包質地🍞因為冇烘烤過，所以唔脆又唔硬，比一般酸種多士容易切尤其鍾意佢入邊放咗好多大大粒嘅香脆合桃同埋甜甜地充滿果香嘅杏脯 (味道似橙皮)😍Fruity加nutty嘅味道集結於一身，口感層次豐富配合埋柚子味嘅忌廉芝士，夠晒清新特別🌱忌廉芝士感覺唔heavy，似一個杰身嘅乳酪，令麵包甜中帶啲鹹虎蝦雖然唔係新鮮🦐但係食落爽口，調味夠濃，實質係唔辣嘅兩粒車厘茄多汁夠甜🍅羽衣甘藍應該有落油炒過🥬個人覺得佢唔夠脆口同埋欠缺羽衣甘藍本身獨特嘅味道，唔太突出最後旁邊有啲一條條嘅紫洋蔥🧅食落酸酸甜甜帶啲苦，混合咗啲辣椒碎🌶️一開始齋食會覺得味道好奇怪，但係配埋多士其他嘢就OK，增添另一層味道▶️ Avocado toast ($98)一
之前經過見呢間Reaction Coffee roasters 好cozy，一直收藏咗，今日終於可以去試🥰
Menu款式以cafe嚟講算多，我係俾佢啲Toast吸引而黎
▶️ Spicy prawn toast ($108)
兩大片疊起咗嘅合桃杏甫麵包，上面搽上柚子忌廉芝士，之後放上羽衣甘藍、香草車厘茄同埋四隻連尾香辣虎蝦
Spicy prawn toast
$108
144 瀏覽
0 讚好
0 留言
麵包食落煙韌軟身，絕對唔係普通方包質地🍞因為冇烘烤過，所以唔脆又唔硬，比一般酸種多士容易切
尤其鍾意佢入邊放咗好多大大粒嘅香脆合桃同埋甜甜地充滿果香嘅杏脯 (味道似橙皮)😍
Fruity加nutty嘅味道集結於一身，口感層次豐富
配合埋柚子味嘅忌廉芝士，夠晒清新特別🌱忌廉芝士感覺唔heavy，似一個杰身嘅乳酪，令麵包甜中帶啲鹹
杏脯合桃包
113 瀏覽
0 讚好
0 留言
虎蝦雖然唔係新鮮🦐但係食落爽口，調味夠濃，實質係唔辣嘅
兩粒車厘茄多汁夠甜🍅
羽衣甘藍應該有落油炒過🥬個人覺得佢唔夠脆口同埋欠缺羽衣甘藍本身獨特嘅味道，唔太突出
最後旁邊有啲一條條嘅紫洋蔥🧅食落酸酸甜甜帶啲苦，混合咗啲辣椒碎🌶️
一開始齋食會覺得味道好奇怪，但係配埋多士其他嘢就OK，增添另一層味道
▶️ Avocado toast ($98)
一厚片黑色亞麻酸種多士已經非常吸睛👀
上面仲有一層牛油果蓉🥑牛油果非常熟，之後同樣有羽衣甘藍🥬
最後放上兩粒水波蛋 (好搞笑，一開始上菜嘅時候有粒碌咗落嚟，個服務員即刻拎返入廚房整返上去先再上過😂要保持賣相)
水波蛋時間控制得好好🥚一切就流心
旁邊有啲醃咗嘅鷹嘴豆 (chickpeas)同菲達芝士 (feta cheese)
-
食物整得好食，賣相靚仔，調味足夠，明顯有落足心思，配搭亦好好👍🏻
環境都好舒服，餐廳好闊落有空間感，本身限時90分鐘，但係我哋唔係peak hour去所以唔多人
服務好周到，本身水係自助嘅，但係服務員主動話幫我哋斟埋，之後朋友唔小心跌咗把刀，佢哋一聽到聲已經走埋嚟話換過把俾我哋🤯完全feel到佢哋以顧客為先嘅態度，個個服務員都好醒目友善
價錢合理，連加一大概$120/人，以質素、份量、服務、環境來講抵俾！
尖沙咀十分推介嘅一間咖啡店👍🏻
張貼
