影片
更多
2024-09-21
910 瀏覽
🍴和道屋@尖沙咀🍴最近喺social media見到好多人介紹一間喺尖沙咀嘅半放題日式餐廳，見到都好吸引，所以就同朋友中午去試吓先。套餐價錢$268, 部份食物係任食，有d 就限加一份。🟠刺身我地叫左個魚生塔，另外加$88 要一份香蔥拖羅火山。魚生好新鮮，海螺好彈牙。而拖羅都好肥美，加咗柚子汁感覺好fresh 。🟣壽喜燒火鍋湯底可以揀壽喜燒或者日式豆乳豚骨。我哋就揀咗壽喜燒汁。個汁幾甜，唔會話好似溝左水，所以d 菜吸哂味好甜好好食。而肉類方面包括有日本A4和牛、北海道米豚同埋廣島牡蠣。晚市可以任食以上三款，午市就每款追加一次。A4和牛牛味濃，而豚肉亦爽口唔會腥，廣島豪大大粒好飽滿。🔵自選每位5款即做串燒/料理/天婦羅有好多款式可以揀，包括以下：🇯🇵日產串燒：鹽燒和牛粒/鹽燒雞翼/明太子雞腿串/鹽燒雞腎/千歲米豚腩片/燒鮮冬菇/焦糖菠蘿/燒日本南瓜/牛油燒甜栗米🇯🇵日產料理：甲羅燒/日式雞軟骨/多春魚/鹽燒三文魚頭/明太子雞腿串/燒牡蠣/土佐豆腐/炸大山雞塊/炸番薯片/炸芝士年糕/菜肉餃子/芝麻雞翼/味噌田樂茄子燒/吉列廣島蠔🇯🇵日產天婦羅：海白虎蝦天婦羅/海膽大葉天婦羅個人推介甲羅燒，
最近喺social media見到好多人介紹一間喺尖沙咀嘅半放題日式餐廳，見到都好吸引，所以就同朋友中午去試吓先。套餐價錢$268, 部份食物係任食，有d 就限加一份。
🟠刺身
我地叫左個魚生塔，另外加$88 要一份香蔥拖羅火山。魚生好新鮮，海螺好彈牙。而拖羅都好肥美，加咗柚子汁感覺好fresh 。
🟣壽喜燒火鍋
湯底可以揀壽喜燒或者日式豆乳豚骨。我哋就揀咗壽喜燒汁。個汁幾甜，唔會話好似溝左水，所以d 菜吸哂味好甜好好食。
而肉類方面包括有日本A4和牛、北海道米豚同埋廣島牡蠣。晚市可以任食以上三款，午市就每款追加一次。A4和牛牛味濃，而豚肉亦爽口唔會腥，廣島豪大大粒好飽滿。
🔵自選每位5款即做串燒/料理/天婦羅
有好多款式可以揀，包括以下：
🇯🇵日產串燒：
鹽燒和牛粒/鹽燒雞翼/明太子雞腿串/鹽燒雞腎/
千歲米豚腩片/燒鮮冬菇/焦糖菠蘿/燒日本南瓜/牛油燒甜栗米
🇯🇵日產料理：
甲羅燒/日式雞軟骨/多春魚/鹽燒三文魚頭/明太子雞腿串/燒牡蠣/土佐豆腐/炸大山雞塊/炸番薯片/炸芝士年糕/菜肉餃子/芝麻雞翼/味噌田樂茄子燒/吉列廣島蠔
🇯🇵日產天婦羅：
海白虎蝦天婦羅/海膽大葉天婦羅
個人推介甲羅燒，滿滿蟹膏，而且好甜😍海白虎蝦天婦羅大大隻好彈牙。燒南瓜亦都好好食，因為日本既南瓜出名好甜。而明太子雞腿串都幾好食，雞腿上面加上明太子，口感豐富。
🟢任食即做手握壽司
壽司款式包括以下：
加州卷、三文魚、油甘魚、火炙三文魚、火炙左口魚邊、香蔥吞拿魚蓉、八爪魚、飛魚籽、海膽魷魚、青芥辣八爪魚、明太子沙律
三文魚同油甘魚係必食之選，夠哂新鮮，而火炙左口魚亦都係我最愛，又香又多魚油。
🟡前菜 飯 烏冬
另外仲有會沙律、任食野菜盤、溫泉蛋紫菜飯、溫泉蛋稻庭烏冬。稻庭烏冬比較扁身，但好彈牙。
🔵甜品
食到最後就會有甜品，我哋今日既甜品係芝麻雪糕，雪糕入邊好重芝麻香味但係又唔會好苦澀。
張貼
