影片
更多
2023-03-20
29 瀏覽
朋友最近試咗呢間位於尖沙咀嘅胡爐，食完回味無窮，特別約我去食多次。餐廳裝潢好有心思，擺設及餐具都好靚。餐廳提供一盤醬料，入面有好多不同醬料選擇，大家可以悉隨尊便配搭喜愛嘅口味。餐牌入面嘅湯底選擇好多，包括有醉八鮮鍋，火焰龍蝦海鮮鍋，鮮椰青雞鍋同胡椒豬肚花膠雞鍋等等，款款都相當吸引。趁天氣仲有少少涼，點咗個胡椒豬肚花膠鍋試吓先。 胡椒豬肚花膠鍋 ($328) - 首先個湯底已經有濃濃胡椒豬肚香味，另提供雞件及花膠加入湯底。雞件同花膠分量十足，雞肉嫩滑，花膠仲係大件厚身。提一提大家，打邊爐前可以先飲咗呢個湯先，入口充滿胡椒香辣味，非常好味。 胡爐牛拼盆（$398）- 拼盤有多款不同牛嘅部位，包括有極上手切牛頸脊、安格斯手切肥牛、牛舌芯、牛胸爽同霜降牛粒。牛味濃郁，肉質鮮嫩。 紫菜炸響鈴（$88） - 呢間餐廳嘅響鈴係即叫即炸，入面仲加埋紫菜，難怪入口咁爽脆好味，口感一流，絕對係必食推介。蔬菜拼盤 ($63） - 分量相當多，蔬菜種類有白菜仔，菜心同唐生菜，新鮮好味，食完感覺健康啲。 醉胡爐五寶餃（$128）- 拼盤有黑松露蟹肉餃，韭菜餃，雲吞， 魚皮餃等，隻隻都大大隻，味道唔錯。泰式無骨
朋友最近試咗呢間位於尖沙咀嘅胡爐，食完回味無窮，特別約我去食多次。餐廳裝潢好有心思，擺設及餐具都好靚。
餐廳提供一盤醬料，入面有好多不同醬料選擇，大家可以悉隨尊便配搭喜愛嘅口味。
餐牌入面嘅湯底選擇好多，包括有醉八鮮鍋，火焰龍蝦海鮮鍋，鮮椰青雞鍋同胡椒豬肚花膠雞鍋等等，款款都相當吸引。趁天氣仲有少少涼，點咗個胡椒豬肚花膠鍋試吓先。
胡椒豬肚花膠鍋 ($328) - 首先個湯底已經有濃濃胡椒豬肚香味，另提供雞件及花膠加入湯底。雞件同花膠分量十足，雞肉嫩滑，花膠仲係大件厚身。
提一提大家，打邊爐前可以先飲咗呢個湯先，入口充滿胡椒香辣味，非常好味。
胡爐牛拼盆（$398）- 拼盤有多款不同牛嘅部位，包括有極上手切牛頸脊、安格斯手切肥牛、牛舌芯、牛胸爽同霜降牛粒。牛味濃郁，肉質鮮嫩。
紫菜炸響鈴（$88） - 呢間餐廳嘅響鈴係即叫即炸，入面仲加埋紫菜，難怪入口咁爽脆好味，口感一流，絕對係必食推介。
蔬菜拼盤 ($63） - 分量相當多，蔬菜種類有白菜仔，菜心同唐生菜，新鮮好味，食完感覺健康啲。
醉胡爐五寶餃（$128）- 拼盤有黑松露蟹肉餃，韭菜餃，雲吞， 魚皮餃等，隻隻都大大隻，味道唔錯。
泰式無骨鳳爪（$78）- 泰式醬帶酸酸甜甜，鳳爪去骨，入口啖啖肉，好開胃嘅前菜。
餐廳環境別緻有風味，各種食材質素都好好，鍾意打邊爐，對湯底同食物有要求嘅朋友真係要試下，值得推介。
張貼
