南北匯

營業中

休息中

咁難得約到幾個朋友一齊食飯，一定要搵間正餐廳啦；尖沙咀南北匯私房菜有私人包廂，房間有私家洗手間、長梳化同卡拉OK，好啱好友相聚，傾計食飯唱K直落😆 講返重點美食先😋呢晚唔計前菜、甜品，一共八道菜…🔸總廚發辦前菜🔸時令前菜共六款，包含甜、酸、爽、辣、脆，蓮藕爽口，辣味剛好，好開胃；煎餃煎得好香脆，肉餡肉汁飽滿，正！🔸星級養生湯🔸石斛蟲草花燉海螺，一個字：鮮！每碗湯都好足料，豬肉煲完依然肉嫩，啖啖滋潤。🔸鮑汁花膠扣鵝掌🔸花膠厚肉，口感軟綿，鵝掌炆得好入味，鮑汁鮮味十足、唔會太鹹。🔸培根卷大明蝦櫻桃芥未醬🔸我至鍾意香口嘢，呢個啱晒我，大蝦炸完外脆內軟，炸粉做得非常好！培根卷內有大蔥，感覺較清新爽口！有新鮮感！🔸甜梅莍黑䐁豬🔸賣相精緻，一口方形唔油膩，口感酸甜清新🔸川味麻辣水煮魚🔸朋友都讚辣得過癮，魚肉又夠滑👍🏻🔸玫瑰桶子豉油雞🔸雞味香濃，肉質滑嫩，證明火喉控制得啱啱好👏🏻🔸魚湯海參絲浸時蔬🔸食咗咁多肉，要食返d青菜至得🔸日本櫻花蝦十菜炒飯🔸櫻花蝦添加咗炒飯嘅口感同鮮味，好好嘅配搭，炒飯粒粒爽口，唔覺唔覺食晒成碗😆最後食埋百合紅豆沙同冰凍水果，一班朋友食得滿足，傾得爽，開心離場👏🏻下次再約～