影片
更多
2024-07-12
130 瀏覽
朋友喺外地返香港約飯局，話急不及待想去恰下恰下，食靚牛肉，搵咗呢間主打食騸牯牛嘅火鍋店🐮 店內企理乾淨，坐得舒服，冷氣足+抽風系統做得足，成間舖唔會好大陣邊爐味，服務態度唔錯！點菜紙款式選擇多，其中有一堆騸牯牛系列，啱晒我地叫咗份🥢吊龍同金錢牛𦟌雙拼，一上枱梗係打個卡先啦📸吊龍即係牛腰脊肉嘅兩側，雪花紋路好靚，肉同脂肪比例剛剛好；輕烚大概5-8秒就食得，肉味濃郁鮮甜，有少少脂肪但唔會過膩，有咬口但唔韌，大推！金錢牛𦟌同樣有咬口，牛味最濃，正宗牛有牛味仲有爪邊、挽手、腰咀、牛白肉等等都好想食，下次再約朋友去～🥢現炸豬仔嘜午餐肉呢啲肥仔嘢，即炸即食，相當脆口惹味，無論就咁食定放入湯底打邊爐都好難唔好食🥢手打五寶丸集牛丸、蝦丸、墨魚丸，梅菜豬肉丸同鯪魚丸，大大粒真材實料🥢手工韭菜餃就咁睇已經覺得餡料好爆！塞滿韭菜+豬肉，食落皮薄餡靚，無過多餘嘅調味，食得出食材夠新鮮
朋友喺外地返香港約飯局，話急不及待想去恰下恰下，食靚牛肉，搵咗呢間主打食騸牯牛嘅火鍋店🐮 店內企理乾淨，坐得舒服，冷氣足+抽風系統做得足，成間舖唔會好大陣邊爐味，服務態度唔錯！
點菜紙款式選擇多，其中有一堆騸牯牛系列，啱晒我地叫咗份🥢吊龍同金錢牛𦟌雙拼，一上枱梗係打個卡先啦📸吊龍即係牛腰脊肉嘅兩側，雪花紋路好靚，肉同脂肪比例剛剛好；輕烚大概5-8秒就食得，肉味濃郁鮮甜，有少少脂肪但唔會過膩，有咬口但唔韌，大推！金錢牛𦟌同樣有咬口，牛味最濃，正宗牛有牛味仲有爪邊、挽手、腰咀、牛白肉等等都好想食，下次再約朋友去～
🥢現炸豬仔嘜午餐肉
呢啲肥仔嘢，即炸即食，相當脆口惹味，無論就咁食定放入湯底打邊爐都好難唔好食
🥢手打五寶丸
集牛丸、蝦丸、墨魚丸，梅菜豬肉丸同鯪魚丸，大大粒真材實料
🥢手工韭菜餃
就咁睇已經覺得餡料好爆！塞滿韭菜+豬肉，食落皮薄餡靚，無過多餘嘅調味，食得出食材夠新鮮
張貼
