和宴

營業中

休息中

之前同女朋友一齊食過佢哋嘅午餐定食，覺得好好食，所以今日再同女朋友一齊去食，試咗其他唔同嘅午餐定食，果然呢度嘅宮崎和牛唔會令我哋失望，真係頂級嘅享受。🔘宮崎和牛特上雪花牛排肉定食特上雪花牛排肉脂肪分佈均勻，呈現出靚嘅雪花，牛肉嘅紋理，脂肪含量同埋口感都優於普通牛肉，聞落有一股淡淡嘅清香，食一啖會覺得嫩滑即化，肉汁香濃，好似雪花落入口咁，正！🔘宮崎和牛特上雪花牛排肉及澳洲和牛隔膜（醬汁）定食呢個午餐定食唔單止有特上雪花牛排肉，仲有和牛隔膜。澳洲和牛隔膜有住大理石般嘅油花，相對嘅脂肪較少，肉質極度細緻，牛肉味好濃郁，而且仲有住極致甜味，齒頰留香。每一set定食都會有海帶湯、迷你沙律等一齊送上，係性價比好高嘅定食。