Potluck Eatery

呢間位於尖沙咀嘅西餐Cafe，雖然地址係尖沙咀，但係鄰近佐敦D出口。餐廳裝修簡潔，以木係為主，地方都幾大，啱晒同朋友吹吓水食個飯嘅地方。🦪牛油香煎帶子鮮蠔汁意大利飯$258升級套餐+$40 包括餐湯及餐包、甜品及餐飲餐湯係薯仔🥔湯，味道清淡配蒜蓉包🧄，帶子有三大粒，煎到入口鮮嫩，個飯真係超濃嘅蠔汁味，仲食到細細粒嘅蠔肉。🍕意大利三色芝士🧀$198個Pizza係由水牛芝士、藍芝士同巴馬臣芝士製作而成，食到淡淡都係芝士味，餅底係薄皮，好似食緊餅乾咁脆。脆炸魷魚🦑伴墨魚汁沙律醬$98我幾欣賞呢個炸魷魚，因為佢炸出嚟嘅色澤係淡黃色，證明唔係用千年油😆，而且炸到外脆內軟，一啲都唔厚粉，點埋個墨魚汁真係好Juicy。💜Provence Breeze$75（Butterfly Pea • Rose • Soda）打卡必點嘅飲品🍸，入口清新。