美中·鴨子 (已結業)

一直都好想食呢間以中菜京菜為主既中菜館「美中.鴨子」。以年輕·簡約為主題，唔會有舊中式茶樓既感覺，店內仲有烤鴨爐及片鴨展示區，可以比人睇到烤鴨同片皮既過程，好新鮮好特別。今次叫左少少野食「烤北京填鴨$158半隻」、「蘿蔔絲海蜇皮$68」、「馬蘭頭百頁素千卷$70」、「楊柳青青萵苣絲$108」、「春菊花茶」。「烤北京填鴨半隻」一定要點呢道菜，起碼都係呢間既招牌菜呀。配上一籠熱騰騰既薄餅皮，一碟青瓜及蔥度，一碟片皮鴨醬。最特別係鴨皮同鴨肉係分開既，整隻鴨唔會太肥，外皮又夠香脆，食落唔會覺得好油膩。不過我覺得薄餅皮就略為唔夠薄，整體都唔錯既。「蘿蔔絲海蜇皮」有紅洋蔥、豆、蘿蔔絲、海蜇皮等，海蜇爽口，有點醋既味道，但唔會好濃，麻油味好香。「馬蘭頭百頁素千卷」有10小件，用左素片包住切碎左既馬蘭菜，食落好有一陣陣既菜葉香味，好健康既感覺。「楊柳青青萵苣絲」用左萵苣既桱部，去除表皮，再切成絲條，食落好鮮嫩，好好食。「春菊花茶」好香既菊花茶香味，幾好飲，唔會太甜，聽說飲完會好訓啲喎。「餐牌」我已經影左上載至openrice既「餐牌」入面啦，方便大家查閱相關菜式。p.s.提提大家「AE白金卡」有最多半