影片
更多
2016-09-30
16007 瀏覽
辛苦得黎志在食，又到一年一度10人行聚餐時間，今年選擇了位於紅磡Hotel Icon 內的The Market 食午市自助餐，這裡標榜食材新鮮，而且出名食榴槤甜品，所以決定今日黎試試味先。行入店內，看到環境非常寬敞，餐桌上已經坐滿很多食客，所以話，想要黎THE MARKET 食LUNCH BUFFET ，最好預早一個月訂位。隨著服務員 的步伐，每一位食客坐到 餐桌之前，都要經過甜品位，真係不得不讚賞設計佈局的用心，因為每一位客人在埋位開動前，都會先被各種各樣、五顏六色的甜品吸引進來。而我就係被這樣一個甜品 – 榴槤理蘭卷 攝住了，光看賣相，青蔥薄荷的顏色包裹榴槤餡，你用目光便感受到外層蛋糕的鬆軟。第一個ROUND 就先拿榴槤卷吧，就近一看，你會看見黃綠顏色深淺有層次，一層厚的淺青綠、漸加深、之後就會到淡黃的榴槤蓉。一口咬下去，蛋糕果然係鬆軟，無牙都食到0既海綿蛋糕，內面榴槤餡都好濃郁，除了有榴槤的故有口感，即「腍」和「漿」之外，你係清楚咬到一絲絲榴槤渣，呢D 先係層次、口感和精髓，但我還是要比較一下，因為THE MATKET 出名，而且價錢一點也不便宜，如果要同香港街頭貨榴連貨色
辛苦得黎志在食，又到一年一度10人行聚餐時間，今年選擇了位於紅磡Hotel Icon 內的The Market 食午市自助餐，這裡標榜食材新鮮，而且出名食榴槤甜品，所以決定今日黎試試味先。
行入店內，看到環境非常寬敞，餐桌上已經坐滿很多食客，所以話，想要黎THE MARKET 食LUNCH BUFFET ，最好預早一個月訂位。隨著服務員 的步伐，每一位食客坐到 餐桌之前，都要經過甜品位，真係不得不讚賞設計佈局的用心，因為每一位客人在埋位開動前，都會先被各種各樣、五顏六色的甜品吸引進來。
而我就係被這樣一個甜品 – 榴槤理蘭卷 攝住了，光看賣相，青蔥薄荷的顏色包裹榴槤餡，你用目光便感受到外層蛋糕的鬆軟。第一個ROUND 就先拿榴槤卷吧，就近一看，你會看見黃綠顏色深淺有層次，一層厚的淺青綠、漸加深、之後就會到淡黃的榴槤蓉。一口咬下去，蛋糕果然係鬆軟，無牙都食到0既海綿蛋糕，內面榴槤餡都好濃郁，除了有榴槤的故有口感，即「腍」和「漿」之外，你係清楚咬到一絲絲榴槤渣，呢D 先係層次、口感和精髓，但我還是要比較一下，因為THE MATKET 出名，而且價錢一點也不便宜，如果要同香港街頭貨榴連貨色比較，無疑問，呢度Ｄ榴槤係在一般香港街頭食唔到，但如果我要同泰國當地榴槤比較呢，無論甜香味、口感、整體層次，都仲有「少少」距離。
試埋第二款甜品先，綠茶奶凍，用一個小瓷碗盛著，當你睇到個奶凍時，綠色奶凍的面平滑，而且會反光，所以你會從視覺中感覺到係滑的口感，而且，奶凍上有多少金薄（不知真定假）做點綴，賣相無得頂。試味時間，奶凍細滑之外，綠茶的苦澀味和奶凍的奶酥味較濃，適合一些不愛甜的人士，但如果你不中意奶酥味，呢款就未必合你杯茶。
再試埋榴槤奶凍，用一個蛋殼盛載著，很有趣也行精緻，上面有淺粉紅色的小珍珠，下面是淺白色的榴槤奶凍，先用湯匙輕輕地盛起一小口的布甸連粉紅色小粒珍珠，珍珠的口感脆脆的，像巧克力脆米，其實它不是榴槤混合了奶凍，而是大約在厚０。５ＣＭ 牛奶凍下有獨立的榴槤餡，其實就係榴槤班蘭卷內的榴槤餡，榴槤餡分量多於牛奶凍，所以對於愛榴槤多於愛牛奶的我，我就好ＢＵＹ。
甜品介紹呢，仲有一個我大推茉莉花茶朱古力蛋糕，它由五層組成，第二和四層就是充滿茉莉花味的朱古力蛋糕，口感實在，近似Brownie , 中間有白色的吉士，雖然這蛋糕賣相重口味，但事實上，這朱古力蛋糕係清清淡淡的花香味，加朱古力的苦䜀味，絕不會甜膩，是可以一吃再吃的呢！
最後試埋兩款甜品，榴槤芝士蛋糕和綠茶朱古力蛋糕，我認為這兩款蛋糕相對下較遜色。我發現THE MARKET 的蛋糕甜品，一般都會係做三至五層的口感，而綠荼朱古力蛋糕也做了五層的口感，綠茶粉之下是一層糖箱，之後是厚層的綠茶海棉蛋糕，再之後是綠茶醬和朱古力醬，最後又是一層綠茶海棉蛋糕，層次確實豐富，但把蛋糕放進口之後，只吃到甜的綠茶蛋糕和很甜的朱古力醬，其實太甜了。而榴槤芝士蛋糕呢，有三層分佈，蛋糕面、芝士蛋糕和榴槤餡，肉眼看，芝士蛋糕和榴槤餡採用五五比例分佈，但食落口之後呢，芝士蛋糕味太濃，濃到基本上把榴槤味都覆蓋了，由於芝士蛋糕和榴槤餡都係黏口，加上芝士蛋糕味太濃，就會變得黏膩了。
食完凍盤甜品，終於可以試熱盤了，看到顏色鮮豔的越式蟹肉湯濛，紅紅湯底本身無辣味，只有基本鹽和香料淆成的香酸味湯底。如果想要加任何口味，可以自行調較，青檸、辣椒、蒜、薄荷葉、元茜等。每碗濛粉都有一片札肉、蝦、和魚片。說好的蟹呢？沒有了，用蝦頂上，但蝦身外形剔透，脹卜卜，咬口爽脆，見到原料食材質素都高，美中不足是，蝦欠鮮甜味，可能是濃味的湯底蓋了吧，至於濛粉、札肉和魚片，質素屬一般。
試埋個蘿白清湯腩河粉，湯底係偏向清淡的牛腩湯，不是濃稠的牛腩湯底，河粉口感無太大驚喜，一般街外質素，咬一口清湯腩，牛腩好易咬開，因為牛腩蚊得好腍身，肉汁會隨著咬下去的時間湧出，好牛腩，也很鮮甜，而牛腩、牛腩湯味道剛好，並不會因為牛腩太重味而顯得酥。到底夠牛腩有幾正呢？為左證明真係正野，我就叫我朋友用眼睇，我再用兩隻筷子把肉身輕易分開，連坐我身旁的朋友也連聲說了句: 「睇個樣好似好正WOW。」
之後想試下燒豬仔骨和葡式豬手，就豬仔骨本身脂肪分佈比例黎講，係好得，因為佢係有一層薄薄的脂肪在瘦肉之中，而瘦肉當中也不會太乾，因為你會見到燒豬仔骨係充滿油分，成見係閃閃發光，食落口之後，你會發現肥肉、瘦肉的比例好適合OL 一族，因為太瘦的肉就會口感粗糙，但太肥的肉，一般女士卻不會喜歡，所以它肥瘦比例好均勻，呢個燒豬仔骨，其實個味道係好普通的BBQ 醬，但勝在豬仔骨肥瘦得宜，而且肉質腍身，肉汁又夠，真係食材本身取勝。
葡式豬手同燒肉眼扒都係敗筆之作。葡式豬手，其實係用上湯燉的，豬手係濕濕地食，但一入囗係勁鹹，而肉質超粗糙，係食唔到元蹄果種啫喱，彈牙口感，吃一口就放棄。輪到塊肉眼，燒得太乾，用把刀切入時，已經知出事，肉質勁韌，個心諗：塊扒想點呀？我係咪食梗擦膠？
76 瀏覽
0 讚好
0 留言
食完炸雞，再食埋海南雞飯，細細碗，飯量大概三湯匙加每碗兩件雞，你用眼睇呢，飯的顏色係普通白色米，不是淡黃色充滿雞油味果種，而飯也不是珍珠米，只是一般傳統白米，無咩特別位，從中就可以認知到，呢碗海南雞飯呢，係清淡d ，原來，飯味都有雞油香，不過，如果閣下追求係每口飯的雞油香都要充滿嘴巴中，就不是這樣的景況了。雞的味道介乎白切雞與海南雞間，雞件肉質很嫩滑。最後試埋個星洲蘿蔔糕，正正方方，一件一啖食完，表面輕輕煎炒過，食得出主要味道係X0醬，微辣，整件蘿蔔糕滑同彈牙煙韌，無蘿蔔絲在當中，口感不錯。
其實，the market 整體的環境，味道，食材質素都係有水準，如果想兼顧到每樣食品都有讚無彈，都明白係有難度。之不過，收得400元一位食午市，總覺得有些位不能錯，例如燒肉眼扒，會期待下次再幫襯。張貼
