羲和雅苑

營業中

休息中

鍾意食片皮鴨嘅人一定聽過內地知名連鎖品牌「羲和雅苑」嘅大名，今次我同女朋友就嚟咗呢間位於尖沙咀海港城嘅羲和雅苑食晚飯。餐廳位於海港城，交通非常方便，最正嘅係對住無敵海景，用餐環境一流！呢度片皮鴨，梗係要叫啦！店員推薦我哋兩個人可以食半套，實在啱啱好！呢度嘅片皮鴨同出面傳統嗰啲好唔同，除咗有傳統嘅片皮鴨醬之外，亦都會配合爆炸糖、藍莓醬、山楂等一齊食，非常過癮！除咗片皮鴨之外，其他食物選擇亦都好多。以下係當晚我地點左嘅菜色：貝勒爺烤羊肉賣相一流，而且香氣撲鼻，最啱送飯！上湯菜心每一條都好鮮嫩，湯底唔會太鹹，好鮮味，絕對係健康之選！蒜泥白肉調味好惹味，而且配料十足，賣相同樣好吸引。最正係有好多舊，我地兩個人食差啲食唔晒呀！椰香紫米露好濃好足料，甜度啱啱好，為呢餐飯畫上完美句號！