漢城美食

營業中

休息中

呢間韓國餐廳都開左好多年，以前讀書時都間唔時黎食，見佢換左裝修靚左，入去食下回味下。一坐底都招呼左我地三款泡菜，有辣白菜泡菜、魚糕片同我估係蔥餅既小菜，魚糕片同蔥餅都比較淡口，啱哂唔食得辣既朋友。香辣豬肉飯卷好鍾意食韓式飯卷，一啖有哂唔同味道同配料，香辣豬肉唔係好辣，配埋奄羅白酸酸地幾開胃🤤飯卷都包得好實淨，唔會一夾就散芝士年糕年糕醬比平時見既冇咁紅，但食落都偏香辣既，年糕煮得火喉幾好，煙煙韌韌，撈埋片芝士一齊食幾creamy。佢配菜都多，所以食落唔算滯炸醬麵炸醬麵味道相當黎講都淡味啲，不過隻雞蛋煎得幾靚，撈埋青瓜絲一齊食都幾爽口既，如果配埋奄羅白一齊食就正蒜香蜜糖炸雞翼炸雞翼都幾好，肉質唔乾，配埋表面既蒜香蜜糖汁都幾好食。