影片
更多
2025-01-01
408 瀏覽
尋日倒數前同朋友食咗一餐勁正嘅泰國菜，為我哋嘅2024年做一個圓滿嘅結尾！鹹蛋黃青木瓜沙律青木瓜沙律必嗌嘅前菜！青木瓜好新鮮，咬落去好清脆，鹹蛋黃嘅鹹味同青木瓜又好夾，喺酸甜嘅青木瓜沙律當中帶多一點香氣！炭燒沙嗲雞串雞肉串好嫩好多汁，完全唔乾！而且份量都好多，每一寸都好大粒雞肉，好惹味！泰皇海鮮冬蔭功呢個係今日之最！冬陰功唔會太辣，個湯底又唔會太傑！飲落酸酸甜甜，好舒服！另外兩隻蝦都好大隻，蝦肉係好鮮甜！忍唔住飲多咗兩碗！！咖喱原隻虎蝦球呢隻咖喱蝦球都唔錯，蝦球好大隻，超級彈牙！而且咖喱醬都好多，可以完全咁樣包裹住啲蝦球，食落好滋味！原個莈蘿炒飯呢個炒飯嘅飯底好香，而且飯粒係軟軟糯糯既！裏面有好多菠蘿肉粒同埋肉鬆，佢哋嘅份量都好足，滿滿一大碟，包你食得飽！雪糕芒果糯米飯芒果雪糕超級濃芒果味，就好似真係食緊芒果咁！糯米飯係暖笠笠嘅，同埋啲芒果雪糕一齊食冰火兩重添，哈哈哈！Lychee Rose我叫咗一杯荔枝特飲，粉紅色超級少女心！飲落好清爽，上面嘅荔枝都好甜！Songkran朋友叫佢呢杯味道更加複雜，加咗熱情果酸甜味勁出！不錯！呢間泰國餐廳裝修都好靚，打卡一流！如果大家去開尖沙咀想食泰國
鹹蛋黃青木瓜沙律
青木瓜沙律必嗌嘅前菜！青木瓜好新鮮，咬落去好清脆，鹹蛋黃嘅鹹味同青木瓜又好夾，喺酸甜嘅青木瓜沙律當中帶多一點香氣！
炭燒沙嗲雞串
雞肉串好嫩好多汁，完全唔乾！而且份量都好多，每一寸都好大粒雞肉，好惹味！
泰皇海鮮冬蔭功
呢個係今日之最！冬陰功唔會太辣，個湯底又唔會太傑！飲落酸酸甜甜，好舒服！另外兩隻蝦都好大隻，蝦肉係好鮮甜！忍唔住飲多咗兩碗！！
咖喱原隻虎蝦球
呢隻咖喱蝦球都唔錯，蝦球好大隻，超級彈牙！而且咖喱醬都好多，可以完全咁樣包裹住啲蝦球，食落好滋味！
原個莈蘿炒飯
呢個炒飯嘅飯底好香，而且飯粒係軟軟糯糯既！裏面有好多菠蘿肉粒同埋肉鬆，佢哋嘅份量都好足，滿滿一大碟，包你食得飽！
雪糕芒果糯米飯
芒果雪糕超級濃芒果味，就好似真係食緊芒果咁！糯米飯係暖笠笠嘅，同埋啲芒果雪糕一齊食冰火兩重添，哈哈哈！
Lychee Rose
我叫咗一杯荔枝特飲，粉紅色超級少女心！飲落好清爽，上面嘅荔枝都好甜！
Songkran
朋友叫佢呢杯味道更加複雜，加咗熱情果酸甜味勁出！不錯！
呢間泰國餐廳裝修都好靚，打卡一流！如果大家去開尖沙咀想食泰國菜，呢間都真係不錯嘅選擇喎！
張貼
