更多
2023-06-28
378 瀏覽
睇show前搵間餐廳醫肚,就隨便選擇呢間餐廳。餐廳類似快餐形式,先去收銀點餐,再等叫號碼。款式選擇都唔算少,不過當晚有啲夜,所以晚餐剩返兩款,叫其他餐牌食物就會多啲選擇。先叫咗一個鐵漢-即係鐵板餐。原條鰻魚鐵板飯加半條司華力腸。鰻魚尺寸都OK,同司華力腸差不多大。係個飯有少少硬,不過個人喜歡食軟少少。另外叫咗個口水雞飯,口水雞肉質都軟,醬汁味都濃,油飯亦幾香,呢個飯比較上無咁硬身,可能因為加咗油吧!整體上尚算可以,同埋呢!佢有貼告示,記得自己收盤呀,否則一起身離開職員就會開聲提示你㗎嘞!
張貼