影片
更多
2023-05-09
261 瀏覽
講咗好嘅先。有一兩樣都幾好食，燒蠔係全晚最好食，夠大隻，亦燒得剛剛好，唔會太乾身，仲保留到蠔本身的水份。一口牛唔差、幾有肉汁，不過唔好期望有咩特別嘅調味。蔬菜類完全不敢恭維。通常啲餐廳燒菜都係穩陣之選，將一Pat蒜蓉加啲牛油pat 落啲菜度好難唔好食。今餐點咗三個蔬菜類，完全突破我三觀：燒韭菜，係三樣入面最正常嘅野，雖然煮得偏生，但都仲可以食得晒成碟，撈埋啲木魚一齊食都幾有趣。燒大蔥，極生，差啲咬唔爛，食到頭尾果兩粒，直程好似冇煮過咁，生到差啲標眼水 🙂蒜蓉燒茄子又係另一個奇蹟，今晚之前我從來冇諗過原來一道聽落去咁簡單嘅餸可以整得咁難食。🙂喺全場得一枱客嘅情況之下都可以整到咁嘅質素，好想問OpenRice啲like係點樣chok返嚟 🙂
有一兩樣都幾好食，燒蠔係全晚最好食，夠大隻，亦燒得剛剛好，唔會太乾身，仲保留到蠔本身的水份。一口牛唔差、幾有肉汁，不過唔好期望有咩特別嘅調味。
蔬菜類完全不敢恭維。通常啲餐廳燒菜都係穩陣之選，將一Pat蒜蓉加啲牛油pat 落啲菜度好難唔好食。今餐點咗三個蔬菜類，完全突破我三觀：
燒韭菜，係三樣入面最正常嘅野，雖然煮得偏生，但都仲可以食得晒成碟，撈埋啲木魚一齊食都幾有趣。
燒大蔥，極生，差啲咬唔爛，食到頭尾果兩粒，直程好似冇煮過咁，生到差啲標眼水 🙂
蒜蓉燒茄子又係另一個奇蹟，今晚之前我從來冇諗過原來一道聽落去咁簡單嘅餸可以整得咁難食。🙂
喺全場得一枱客嘅情況之下都可以整到咁嘅質素，好想問OpenRice啲like係點樣chok返嚟 🙂
張貼
