新派韓食館 (已結業)

報紙、雜誌都有介紹，係屋邨開既「Sister Koera Cafe」，初初知道既時候，無時間去，今日終於去左試！雖然佢開係平民屋村，不過食物既價錢唔係好平，反而邨內其他既食物真係好平，平得好緊要。我地試左「韓式原味炸雞」、「火山脆皮豆腐」、「漢拿山芝士蛋溶岩豚肉炒飯」，味道都過得去。最好味最後個樣，最貴都係最尾個樣，佢兼有埋人即場係你隔離炒埋，但係就得普通石頭煱飯咁大，同埋過百蚊。上圖係送既小食同埋湯。湯唔知有咩料，得個咸字。「韓式原味炸雞」同KFC個d無咩分別，大家如果黎呢間可以唔洗嗌炸雞，因為無咩味。「漢拿山芝士蛋溶岩豚肉炒飯」會有人係你張枱即場炒比你食，最特別都係咁者。佢碟野都係d豚肉、蛋、飯少埋一齊，真係無咩特別，唔值咁貴。「火山脆皮豆腐」用甜酸汁做醬，豆腐外脆內嫩，不過d豆腐應該用左好似山水豆腐個種豆腐，無咩豆香。小結，呢間鋪名大於實，價格貴左d，食物味道無咩特別。