義安茶餐廳

營業中

休息中

$45 一個下午茶餐 😰😱Sorry其實佢應該係假日冇下午茶餐。所以當散叫蛋牛治加杯茶走。係我自己冇問，唔怪得佢。不過聽到個價錢真係嚇咗一跳，雖然佢係用鮮牛肉而唔係用罐頭鹹牛肉。又雖然的確係幾好味，佢唔係有沙嗲醬包住啲牛肉果種。顏色淺淺白白唔係好吸引，不過又炒得幾嫩。 炒蛋都嫩滑，係杯奶茶差啲，冇大排檔濃厚嘅茶香。今日我嘅狀態係有啲迷失，先至糊裏糊塗走去幫襯。最難頂係懶囂張嘅態度，好似唔憂做咁，其實街坊茶餐廳可以親民啲啫，喺佢附近開返間同佢打對台😆😁諗起都開心。