一碗入魂 (已結業)

如果唔係探朋友都未必會嚟呢度，而朋友話呢間係長期都排隊嘅店，絕對要試下呀所以就專登試一試啦！其實門面睇係無任何特別的，而且款式選擇唔多，但係最神奇係佢有獨家創意，而且對比起屋邨內其他食店，佢都算係唯一了。點了一碗廣島蠔、叉燒拉麵。拉麵可以揀曲麵定直麵，一眼望落去無乜特別，但一飲個湯底真係停唔到口而且非常足料同大份，絕無欺場！叉燒嚟講真係算出色了，肉質嫩滑，而且係有烤過的，真心入味。平時食開都係好薄，但呢塊厚道適中，正！