屏山老地方

營業中

休息中

今次搵食搵到入大西北！嚟到元朗屏山行下，自不然就要係E邊搵下有咩特色餐廳。搵搵下俾我搵到間出名食肉餅飯嘅餐廳。肉餅飯E種家常便飯就食得多，竟然整肉餅飯可以整到變出名嘅餐廳，咁就要去幫襯下睇個究竟。😤原來E間餐廳有好多創新嘅肉餅餡料！😳例如榴槤肉餅、芒果肉餅等等，簡單顛覆咗我對肉餅嘅傳統印象。今次就特登叫咗個芒果肉餅飯同埋佢另一個名物蝦多士嚟食。🍤切開個肉餅，啲芒果肉就係中間流出嚟，試落係一個新奇嘅體驗：熱嘅肉餅配上溫暖嘅芒果肉；肉類嘅少許油膩配上生果嘅小清新。😜感覺將肉餅提升到一個較為健康嘅層次！至於蝦多士，熱辣辣即上，亦都值得一試。