雞朱寶

營業中

休息中

基本上去開屯門做嘢一定會食嘅飯堂，如果唔係有朋友介紹，應該都唔會識得揾到去。必食推介係佢嘅厚切豬扒配豉油雞翼飯，同埋自選洋蔥蛋包飯。厚切豬扒配豉油雞翼飯：豬扒確實幾厚切，食落唔會好乾身，豉油雞翼煮得好入味，一入口就好易脫骨，但又唔會覺得霉，配埋少少豉油同埋蔥油，成碟飯都可以食晒。自選洋蔥蛋包飯：雖然佢有好多配料可以選擇，但我就鍾情佢嘅厚切叉燒或者蝦仁，最鍾意佢有勁多洋蔥，洋蔥又唔會煮得太熟，仲有少少洋蔥辣同爽口，配埋個蛋又好夠滑，超好味！