千銅和食屋 (已結業)

今日去屯門探朋友，朋友帶我去左華都商場「千銅和食屋」食Lunch，食飽飽再去行街街。餐牌有單點，亦有多款套餐可以選擇，而且套餐配有胡麻醬冷菠菜、麵豉湯、汽水，好多元化。蟹國天丼套餐配有胡麻醬冷菠菜、麵豉湯、汽水賣相吸引，珍珠米上鋪滿了蟹肉、蟹膏、蟹籽、芝士蟹籽，份量勁多，而且仲有炸原隻軟殼蟹。好足料，完全不手軟的飽滿份量，每一啖都食到鮮甜的蟹肉、蟹膏和蟹籽，蟹味十足。另外炸原隻軟殼蟹炸到脆卜卜，再沾上自家製的醬汁，味道一流，日式叉燒·冷蕎麥麵日式叉燒入味又軟腍。冷蕎麥麵用上綠茶製成，Q彈的麵條沾上淡淡wasabi 的香氣和自家製醬汁，散發出綠茶味的清香。芝士玉子燒蛋味香濃順滑，再加上拉絲芝士，芝味十足，綿密口感融合得恰到好處。